MAZMUR 11:4 - Alkitab Singog In Mongondow Masa In Tanaa

⁴ Ki Tuhan in oyúon kon Baḷoi-Nea inta motusi, tampat pomomarentaan-Nea in kon soroga. Sia in umuran monaridi kon umat intau bo nonotaau kon bayongan in oaid monia.

MAZMUR 11:4 Referans Kwoze

MAZMUR 103:19

Ki Tuhan in nomarenta kon soroga, Sia in datu inta nongawasa kon bayongan in yagi-yagi.

MAZMUR 18:6

Akuoi in iḻibudon in bodito mokopatoi, poyogaḷap in popatoi kon tayowonkumai.

MAZMUR 2:4

Nongkon ḷoḻitúan pomomarentaan-Nea kon soroga ki Tuhan kinomosing bo moningkuḻe kon tomayá monia.

HABAKUK 2:20

Ki Tuhan in kon bonu in Baḷoi-Nea inta motusi; maníka bayongan in intau kon dunia naa in kibio-biómai kon tayowon-Nea.

YESAYA 66:1

Ki Tuhan in noguman, “Ḷangit in ḷoḻitúan-Ku pomarentaan, bo butá in tosindogan-Ku. Dá baḷoibí naonda in posindogonmu kon i-Nakó, bo tampat onu in pomiaanmu sin pogutunan-Ku?

YEREMIA 23:24

Diábí tobatúmai in mokopogadop kon i-Nakó, sin Akuoi in oyúonbí kon bayongan tampat: kon soroga bo kon dunia.

MAZMUR 33:13

Nongkon soroga ki Tuhan in moḷongow monag, bo ontongon-Neabí in bayongan intau.

WAHYU 4:2

Baḷúdon in akuoi kinawasaan in Roho i Allah. Bo inontongku kon soroga oyúon in tobatú tampat pomomarentaan, bo oyúon doman in tobatú intau iḻimitú kon tampat pomomarentaan tatua.

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

TESALONIKA 2 2:4

Takin kaḷakuang sia in moḷawang bo dumodia kon bayongan inta sinumba in intau, ande bayongan ilah inta inanggap in intau ki Allah. Modapot in sia ḻimitú kon bonu in Baḷoi i Allah bo mongaku kon sia tua kain in ki Allah.

MATIUS 23:21

Bo ki ine inta nongibot pinodoyon kon Baḷoi Tuhan, yo sia in nongibot pinodoyon kon Baḷoi Tuhan bo pinodoyon doman kon i-Nia inta nogutun kon tua.

MATIUS 5:34

Táe Akuoi moguman kon inimu: dikadon mokoimontanmai in mongibot bo popodoyon kon ḷangit, sin ḷangit tua in tampat pomomarentaan i Allah,

MAZMUR 66:7

Sia in nomarenta takin ropot modapot in mononoi. Bangusa mita inindoian-Nea mako, sinbá momomarontak diá motaau ḷumoḷatú kon i-Nia.

TAWARIKH 2 16:9

Ki Tuhan in noindoi kon sinangkub in dunia sin mobogoi in ropot-Nea kon intau mita inta mosatia kon i-Nia. Noitaḷádon in inaidanmu, tuamai nongkon tanaa iko in umurandon moyogintayow in parang.”

TAWARIKH 1 17:5

Pinangkoipa kon bangusa in israel pinoḷuat-Ku nongkon Mesir dapot in tanaa, diápa kon dodai in onda in Akuoi in nogutun kon bonu in baḷoi tobatú. Umuranbí in Akuoi modondaḷoi bo mogutun kon ḷoḷaigan tobatú.

OUMAN IN RASUL MITA 7:49

‘Ḷangit in tampatbí pomomarentaan-Ku, bo butá in pomomuntukan-Ku. Dá baḷoipabí onu in pomiaan monimu kon i-Nakó? Kon ondabí in tampat pogogaian-Ku?

AMSAL 15:3

Ki Tuhan in nokoontongbí kon bayongan inta nobaḻí kon bayongan in tampat; Sia in noindoibí kon bayongan inta mopia bo inta moraat.

ZAKHARIA 2:13

Kibio-biómaidon in moiko komintan kon tayowon i Tuhan! Sin Sia in nobuatdon nongkon tampat pinogutunan-Nea kon soroga.

YEREMIA 17:10

Akuoi, ki Tuhan monaridi kon gina, bonu in dodob in intau ujion-Ku kon batúan in intau tuḻían-Ku podudui in dodianea, bo aidan-Ku podudui in oaidnea.”

MAZMUR 44:21

Aka kuma bo kami in diádon nosumba kon i Allah, táe nosambayangdon kon i ilah ibanea mako,

MAZMUR 9:11

Intau inta nonotaau kon ini-Mu mogoḷat mako kon ini-Mu, o Tuhan, intau inta mosumba kon ini-Mu diábí taḷaan-Mu.

MIKHA 1:2

Indongogaidon, ei bangusa mita! Taridiaidon, ei intau mita kon sinangkub in dunia! Ki Tuhan Inta Totok in moḷantud mamangoi saḷaku sakusi moḷawang kon i monimu komintan! Indongogai in Sia mosingog nongkon Baḷoi-Nea inta motusi kon soroga.

AYUB 24:23

Inogoian i Allah in sia in kobiagan motompia, táe umuran iḷukadannea mako.

MAZMUR 14:2

Nongkon Soroga ki Tuhan moindoi kon umat intau sin motayak kon intau mobijak inta mosumba kon i-Nia.

MAZMUR 113:5

Ki ine in ná ki Tuhan Allah naton? Sia in nomarenta kon tampat moḷantud.

MAZMUR 139:23

Tarididon in akuoi o Allah, doḷopdon in ginaku, tungkuḷaidon bo pokotaaudon in raianku.