MAZMUR 109:24 - Alkitab Singog In Mongondow Masa In Tanaa

²⁴ Duḷudku in mourot popisí in nopuasa, awakku in irumutukdon totok.

MAZMUR 109:24 Referans Kwoze

IBRANI 12:12

Tuamai, koropot in ḻimamu inta noḻemé bo duḷudmu inta mouyot tua!

MATIUS 4:2

Bo naonda in Sia nopaḷut nopuasa opat nopuḷú nosinggai bo opat nopuḷú nogobii, inangoiandon gogoy in Sia.

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

KORINTUS 2 11:27

Rumopot totok in akuoi in mogaid, dá mokakit in diádon mokoposiug, diádon mokopongaan, diádon mokoponginum, bo mokakit domandon in monahang tonow sin diádon koḷambu-ḷambung pakéon bo diá domandon in baḷoi pogutunan.

MAZMUR 69:10

Ibogku in tumagab popisí in tabiku kon Baḷoi-Mu, rebeg in intau inta moningkuḻe kon ini-Mu noitugat kon inakó.

AYUB 19:20

Awakku dongkadon kuḻit nobakut kon tuḷan. Gogiódon akuoi matoi bo dimukudku in mayá.

MAZMUR 69:11

Nongombaḷ in akuoi bo nopuasa, táe mosia in noningkuḻe kon inakó.