MAZMUR 109:13 - Alkitab Singog In Mongondow Masa In Tanaa

¹³ Biódon mako in bayongan in buínea yopúon, bo tangoinea in ḻiongondon in intau moiduduimai.

MAZMUR 109:13 Referans Kwoze

AMSAL 10:7

Monanob kon intau mopia in mobaḻíbí barakat, táe intau moraat in baḷúdon koḻiongan.

MAZMUR 37:28

Sin ki Tuhan in motabibí kon oaid inta mopia bo moadil, intau inta motoindudui kon i-Nia in diábí bio-bióon-Nea mako in moiḷaḻe. Sia in moḷukadbí kon i monia modapot in mononoi, táe buí in intau moraat in yompatonbí.

AYUB 18:19

Adí bo buí diá bidon kon inia; kon ḻipúnea diá bidon tobatúmai in kiagatnea.

YEREMIA 22:30

“Intau tatua ain sinantú kon kobuḻian in adínea mita bo umuran mosisí in kon kobiagannea. Nongkon buínea diábí in mokodapot kon inta mopia in kon bonu in pomarentaan kon Yohuda saḷaku datu buí i Daud. Akuoi ki Tuhan, ain nosingog.”

MAZMUR 21:10

Sia in namangoi naonda bo tuḷú inta kodoko-dokot sin moyopú kon i monia. Mosia in yopúonbí in torú i Tuhan, bo pagongon in tuḷú.

SAMUEL 1 3:13

Aindon pinotaau-Ku kon inia kon motoḷuadínea in umuran hukumon-Ku popisí in ki adínea mita ain nokopoonagmai kon i-Nakó. Kinotaauanbí i Eli in dosa mita monia tua, táe diábí sinorúannea.

ULANGAN 29:20

Ki Tuhan in diábí mongampung kon intau ná tatua. Táe, Sia in kotugatanbí in torú i Tuhan inta moḷoben, bo bayongan bodito inta pinais kon bonu in buk tanaa in moiumabí kon inia modapot in sia yopúon i Tuhan.

ULANGAN 25:19

Tuamai, aka ki Tuhan Allahmu mobogoidon in butá tatua kon inimu bo moiko moamandon nongkon bayongan musung inta nogutun kon ḻibumumai, yo bayongan intau in Amalek tua in mustibí modait ḻimodon dá mosia in diádon toropon bui. Dika koḻiongan!”

ULANGAN 9:14

Dika monungkuḷ moḷamboi kon i-Nakó. Yopúon-Kudon in mosia modapot in mosia diádon kotoropan bui. Táe iko in baḻíon-Kudon amá in tobatú bangusa inta moḷobe-ḷoben bo moropo-ropot nongkon i monia.’

PINOGIAPAN 27:4

Táe nongonu sin tangoinea in mustibí popatan nongkon bangusa in Israel tongá popisí in sia diá kogadí kon ḷoḷaki? Ogoiaidon kami in butá tonsilai nami kon yua-yuak in utat mita i amá nami.”

DATU MITA IMITÁNEA 16:11

Naonda in ki Zimri nobaḻí datu, iḻimodnea in bayongan motoḷuadí i Datu Baesa. Nodapot in bayongan ginaḷum i Baesa inta ḷoḷaki takin yobayatnea mita bo motoḷuadí monia diábí doman tobatúmai in kinotaḻiban.

AYUB 18:17

Sia in diá bidon kinotaauan kon bonunea andeka kon ḷuai in kotá; diá bidon in tobatúmai in intau in nokotoropa kon tangoinea.

MAZMUR 21:11

Nongkon buí monia diá in kinotaḻiban, ki datu in moyompatbí kon i monia komintan.