MAZMUR 107:9 - Alkitab Singog In Mongondow Masa In Tanaa

⁹ Sin Sia in mopoorop kon intau inta noyogang, bo mobogoi in mobayong inta mopia kon intau ginogoi.

MAZMUR 107:9 Referans Kwoze

MATIUS 5:6

Pia in kamang in intau inta moibog totok mogaid kon inta mobanar; sin bayongan tua in ogoibí i Allah.

YEREMIA 31:25

Mosia inta moḷopí in poguḻíon-Ku bui, bo inta moḷungkoyó popisí in ginogoi in pobotugon-Ku.

MAZMUR 34:10

Horomatdon in ki Tuhan, ei moiko umat-Nea, sin intau inta mopirisaya in diábí kodaitan.

LUKAS 1:53

Sia mobogoi in bayongan inta mopia kon intau mita inta ginogoy, táe intau mita inta nooyúon poguntunon-Nea bo diá ogoian in onu bo onu.

MAZMUR 146:7

Sia in moduḷu kon hak in intau mita inta sinoko dorot, bo mobogoi in kaanon kon intau inta ginogoi. Ki Tuhan in mopoḷuai kon intau mita inta pinonjara,

MAZMUR 22:26

Kon yuak in poyodungkuḷan in umat akuoi in modayow kon ini-Mu, sin bayongan in inta ain inaidan-Mu. Kon tayowon in umat inta mopirisaya posumbaku in kuruban inta pinodandiku.

YEREMIA 31:14

Imang mita in poguḻíon-Kubí in kaanon inta mobayong totok; bo bayongan inta paraḷuon in umat-Ku ogoi-Kubí. Akuoi, ki Tuhan, inta noguman.”

MAZMUR 132:15

Bayongan in kaparaḷuannea in ogoi-Kubí kobayongon, intaunea mita inta nobogá in pokaanon-Kubí modapot in mobotug.

MAZMUR 34:11

Umpaka singa mita yo gogoyonbí doman popisí in kodaitan in kaanon; táe intau inta mosumba kon i Tuhan in diábí kodaitan.