MAZMUR 107:25 - Alkitab Singog In Mongondow Masa In Tanaa

²⁵ Podudui in parenta-Nea nogirupdon in deḷang bo noponomburádon kon bokoḷ mita.

MAZMUR 107:25 Referans Kwoze

YUNUS 1:4

Ki Yunus in minayá in tampat inta kon ḻimonagan totok bo inumuḻid kon tua, bo nosiug noḷoḷot. Noiduduimai kon tua pinoangoidon i Tuhan in tompot moropot kon dagat, bo nobaḻídon in bokoḷ inta totok in motoyang, inta nondangat kon kapaḷ tatua dá gogiódon bo morimumud. Intau mita in kapaḷ nongoondokdon totok bo nomaḷúdon mokituḷung, kon batúannea mokituḷung kon dewanea-dewanea. Tobatú daya monggaat kon anib moitaḷom, mosia in noḷumbú kon datog in kapaḷ in kapaḷ tatua kon bonu in dagat.

MATIUS 8:24

Bo dinaḻímai in tompot inirup noropot totok in danow tatua, dá nobokoḷ, bo bokoḷ kopiadon mondangat kon uangga inta sinakoian monia, táe wakutu intua ki Yesus nosiug noḷoḷot.

MAZMUR 148:8

ei kilat bo uyan eis, salju bo goḷom, deḷang motorú inta dinumudui kon parenta i Tuhan!

MAZMUR 105:34

Podudui in parenta-Nea, namangoidon in pangkoḷá, totuu mobarong, diádon koiapan.

MAZMUR 93:3

Apad in baḷangon nopodongogdon in singognea, o Tuhan, baḷangon in modugangdon kon singog in gonuaḷnea.

YOHANES 6:18

Dodai intua momangkoidon mobokoḷ in danow tatua sin tompot mogirup moropot.

MAZMUR 135:7

Nongkon popod in butá Sia nopoangoi in goḷom, pinomia-Nea in kilat kon uyan. Bo pinarentaan-Nea in tompot sinbá ḷumuai nongkon tampat pinotagúan-Nea.

MAZMUR 105:31

Podudui in parenta i Allah namangoidon in ḷangow mita, bo yongit mita noyosipundon kon sinangkub in butá.