MAZMUR 106:46 - Alkitab Singog In Mongondow Masa In Tanaa

⁴⁶ Binaḻí-Nea in mosia kinotabi in bayongan in intau inta nodakop kon i monia.

MAZMUR 106:46 Referans Kwoze

YEREMIA 42:12

Popisí in Akuoi nonotabi kon inimu, yo baḻíon-Ku in ki datu in Babel motabi doman kon i monimu bo ogoinea in moiko mobui. Akuoi, ki Tuhan, ain nosingog.’ ”

EZRA 9:9

Kon tungkuḷ in kami kon pinononggataanpa, diábí sinaḷáan-Mu in kami. Binaḻí-Mu in kami kinotabi in datu mita in Persia bo pinomayá mako in nobiag bo noposindog bui in Baḷoi-Mu inta dongkadon rumbunnea tua. Iḷukadan-Mu in kami in kon naa, kon Yohuda bo kon Yerusalem.

YEREMIA 15:11

Tuhan, aka akuoi bo diá nopobayá in oaidanku kinopira, bo diá notuḷung kon musung mita kon tayowon-Mu kon dodai in mosia kinoantugan in anib bo roriga, yo biódon mako in kobaḻían in onu inta pinogodi-godi in intau mita tatua. (

DATU MITA IMITÁNEA 8:50

Ampungaidon in bayongan dosa bo aid monia inta moraat kon ini-Mu, bo baḻídon in musung mita monia mopoaid in mopia kon i monia.

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

TAWARIKH 2 30:9

Aka moiko bo mobui mogundoi kon i Tuhan, dá intau mita inta nogakut kon ginaḷum motoḷuadímu nobaḻí intau mita inta dinakop, koangoiandon in tabi bo ogoidon monia mobui in mosia. Ki Tuhan Allahmu in ki Allahbí inta mopia bo oyúon kototabi; tarimaan-Neabí in moiko aka moiko mobui mangoi kon i-Nia.”

DATU MITA IMITÁNEA 8:34

yo igumon mako indongogan-Mupa kon soroga kaasí in mosia. Igumon mako in ampungan-Mupa in dosa in umat-Mu tanaa, bo diaan in mosia mobui kon butá inta ain inogoi-Mu kon mogoguyang monia.

EZRA 1:6

Bayongan in topodiug monia notuḷung doman kon i monia poḷat nobogoi in pakakat mita, ná pakakat mita saḷaka bo buḷawan, tongkaaḷ kon daḷan, biag pododatogan, kapunyaan ibanea bo sosumba mita inta ogoi kon Baḷoi Tuhan.