MAZMUR 106:39 - Alkitab Singog In Mongondow Masa In Tanaa

³⁹ Popisí in aid mita monia tatua dá mosia in nonajisdon, bo diá notoḷutui kon i Allah.

MAZMUR 106:39 Referans Kwoze

YEHEZKIEL 20:18

Noyoḻiudon kon tua tayowmobiag mita kon sigad monia, sinongginaan-Ku nanaa, ‘Dika dumudui kon atorang mita inta pinomia in mogoguyangmu. Dika dumayan kon kabiasaan monia bo dika doman moponajis in awakmu pongin mosumba kon berhala mita monia.

PINOGIAPAN 15:39

Ḷambe-ḷambé mita in nobaḻí tompoingat: Pomuḷoi in moiko mokoontong kon tua, kotoropan monimu in bayongan parenta-Ku bo dumudui. Bo popisí intua diábí in moiko mokoḻiong kon i-Nakó sin dumudui kon ibogmu tontaní.

IMAMAT 17:7

Bangusa Israel musti tantú motoindudui kon i Tuhan bo diábí motaau mokoimontanmai moratá kon mahaḷuk kon gobá mita sin ogoi posumba kon dimukud mita moraat. Atorang tanaa musti umuran duduian modapot kon adí bo ompu.

HOSEA 9:1

Ei bangusa in Israel, dikadon morame bui kon singgai mita moḷobenmu ná bangusa mita ibanea. Moiko in nonaḷámaidon kon i Allahmu bo diá notoindudui kon i-Nia. Kon pomuḷoi in poḷoḻintogan kon gandum, moiko in nopotaḷui in awak saḷaku sundaḷ kon i Dewa Baal, bo mopia in gina in motarima kon gandum inta inanggapmu saḷaku tondan i dewa tatua kon inimu!

YEHEZKIEL 20:43

Kon tua kotoropandon monimu in bayongan in oaid inta mokorongó inta ain nokonajis kon awakmu. Dá morongódon in moiko in mokotorop kon bayongan inta nobaḻí tatua.

YESAYA 59:3

Moiko in kotaḷá popisí in nonguboḷ bo nonombogá, sin ain nogaid kon inta moraat bo noḻimod.

IḶUAIAN 34:16

Aka ki adí mita monimu motonibuḷoi in bobay mita ango-angoi, yo mosia in dondouḷugandon in bobay mita tatua sinbá monaḷámaidon kon i-Nakó bo mosumbadon kon ilah mita monia.

YEHEZKIEL 22:3

Ki Tuhan Inta Totok in moḷantud in nokipoyaput kon inakó in koyow tanaa kon Yerusalem, “Iko in kotaḷá popisí in noḻimodon kon nobayong in intaumu tontaní, bo noponajisdon in awakmu pinongin nosumba kon berhala mita inta pinomiamu tontaní. Tuamai in ponisigan kon inimu in motoyongdon bo kobiaganmu in ḷagidon modait. Iko in pomayá-Kudon mako in rebegon bo kosingan in bangusa mita bo bayongan in butá.

YEHEZKIEL 36:17

“Ei intau ilo-ilow, kon dodai in intau mita in Israel nogutun kon butá monia tontaní, kinotorandon monia in aid bo dodia monia. Inanggap-Kubí kon dodia monia tua in poton, naonda bo bobay inta inangoinea.