MAZMUR 105:26 - Alkitab Singog In Mongondow Masa In Tanaa

²⁶ Bo pinotabá-Nea in ki Musa mogogundoi-Nea bo ki Harun intau piniḻí-Nea.

MAZMUR 105:26 Referans Kwoze

IḶUAIAN 3:10

Tanaa iko in potabá-Kudon mayá kon tayowon i datu in Mesir sinbá iko in motaau modia kon bangusa-Ku ḷumuai nongkon butá tatua.”

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

IḶUAIAN 7:1

Ki Tuhan noguman kon i Musa, “Akuoi in mopobaḻí kon inimu naonda bo ki Allah kon tayowon i datu, bo ki utatmu ki Harun in mosingog kon inia mobaḻí nabimu.

MIKHA 6:4

Moiko in dinia-Kudon iḻumuai nongkon Mesir, bo pinoḷuat-Kudon nongkon pinononggataan; Akuoi in nopotabádon kon i Musa, kon i Harun, bo kon i Miryam sin modia kon i monimu.

MAZMUR 77:20

Iko in mayá nongin bokoḷ, iḷumoḷan kon dagat, táe ḻiod-Mu diá koontongan.

SAMUEL 1 12:6

Bo ki Samuel in noguman bui, “Ki Tuhanbí inta ain nomiḻí kon i Musa bo kon i Harun, bo inta nodia kon mogoguyang monimu iḻumuai nongkon Mesir.

YOSUA 24:5

Onda intua Akuoi nopotabá kon i Musa bo kon i Harun, bo nopoḷabú in bodito moḷoben kon butá in Mesir, bo pinoḷuai-Ku in moiko nongkon tua.

IḶUAIAN 7:12

Mosia in nopogarab in tungkud monia kon butá bo tungkud mita tatua nobaḷui nobaḻí uḷag. Táe tungkud monia tua iḻiom in tungkud i Harun.

IḶUAIAN 6:11

Táe ki Musa in notubag, “Intau Israel tontaní doí mokidongog kon inakó. Yo umpaka dá ki datu in Mesir moibog mokidongog kon intau inta diá motoḻindat ná akuoi naa?”

IḶUAIAN 4:27

Kon dodai intua ki Tuhan noguman kon i Harun, “Bayádon kon padang gurun mokipodungkuḷ kon i Musa.” Ki Harun minayá, bo noyodungkuḷ i ai-ainea kon buḷud motusi, bo inayokannea in ki Musa.

IḶUAIAN 4:29

Onda intua ki Musa bo ki Harun minayá in Mesir bo nosipun kon bayongan itoi Israel.