MAZMUR 104:3 - Alkitab Singog In Mongondow Masa In Tanaa

³ bo noposindog in Baḷoi-Mu kon tudu in tubig kon ḷangit. Goḷom mita binaḻí-Mu kereta-Mu, Iko in sinumakoi kon koḻikip in tompot.

MAZMUR 104:3 Referans Kwoze

AMOS 9:6

Ki Tuhan in moposindog in baḷoi-Nea moyayú kon toḷungayá, kon tudu in butá pinosindog-Nea in ḷangit nobaḻí kubah, bo tubig nongkon dagat pinopobutak-Nea kon toba, inta nogaid kon tua mita tangoi-Nea in ki Tuhan!

YESAYA 19:1

Naa in koyow kon Mesir. Ki Tuhan in namangoi in Mesir sinumakoi kon goḷom inta moḻikat. Berhala mita in Mesir gumugur kon tayowon-Nea bo intau mita in Mesir yimintok in gina.

SAMUEL 2 22:11

Sia in iḷumayug sinumakoi kon kerub; Sia in nogikoḻikip in tompot.

NAHUM 1:3

Totuu kon ki Tuhan, in diábí ḷagi tumorú; táe Sia in totokbí doman in mokawasa dá ki ine in mogaid kon moitaḷá diábí poḷuaton-Nea kon hukuman. Kon onda in bayáan i Tuhan, kon tua in momuká in deḷang; kon pinomuntukan in sioḷ-Nea, kon tua in ḷobud mobaḻí goḷom.

MAZMUR 139:9

Aka akuoi ḷumayug mongin pomukaan andeka kibio-biómai kon popod in toyopan inta totok in moyayú,

WAHYU 1:7

Indoiai, Sia in mamangoi inoḻiungan in goḷom! Bayongan intau mokoontongbí kon i-Nia, noitakin doman in mosia inta nonakuḷ kon i-Nia. Bayongan in intau kon dunia naa komintanbí mogamui lantaran Sia. Nopasti bidon intua! Amin!

MATIUS 26:64

Ki Yesus nogabat, “Natuata in gumanmu. Táe pirisayadon: pinangkoidon kon tanaa mako, moiko in mokoontong kon i Adí Intau in ḻimitú kon dotá in koḷanan i Inta Totok in Mokawasa bo mamangoi mongin ḻimonik in goḷom mita kon ḷangit!”

ULANGAN 33:26

“Ei Israel! Diábí in ilah ná ki Allahmu; Sia in minayá kon ḷangit diá in poḻiuan bo nongin goḷom sin motuḷung kon i monimu.

MAZMUR 148:4

Dayowdon in Sia, ei ḷangit inta totok in moḷantud, dayowdon in Sia, ei tubig kon ḻimonikan in ḷangit!