MAZMUR 104:24 - Alkitab Singog In Mongondow Masa In Tanaa

²⁴ Totuu mobayong in mia-Mu, Tuhan, komintanbí pinomia-Mu takin mobijaksana; butá in nopuḻing in aid-Mu.

MAZMUR 104:24 Referans Kwoze

YEREMIA 10:12

Ki Tuhan in nomaḻí kon butá pinongin kawasa-Nea, nomia kon dunia pinongin hikmat-Nea, bo nomukat kon ḷangit pinongin pandoi-Nea.

MAZMUR 40:5

Pia in kamang in intau inta mopirisaya kon i Tuhan, inta diá dinumudui nosumba kon dewa mita, andeka nopoigum in totuḷung kon intau mita mongoḷoḷatú.

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?

EPESUS 3:10

Makusud i Allah tua in bá tanaa mako jamaat-Nea, mopotaau in bayongan yagi-yagi soaḷ kabijaksanaan i Allah kon pomarenta mita bo kon bayongan inta nongawasa kon soroga.

MAZMUR 107:31

Patusbí in mosia mopoyaput in sukur popisí in tabi-Nea, popisí in mia-Nea mita inta nokotongaw kon intau.

MAZMUR 24:1

Mazmur i Daud. Ki Tuhanbí in kitogi kon butá bo tombonunea, dunia bo bayongan inta nogutun kon tua.

MAZMUR 136:5

Pinongin kobobijaksana-Nea Sia in nomaḻí kon ḷangit; tabi-Nea in umuran mononoi.

MAZMUR 8:3

podondong in mongoadí mita bo adí mita mointok. Pomarentaan-Mu in moroton bo diá motundan sin momompon kon bibig in musung bo saturu.

NEHEMIA 9:6

Onda intua rayat in Israel nosambayang nanaa, “Ikobí in Tuhan, Ikobí inta Totobatú tua; Inaidan-Mu in tundi bo toḷungayá, dagat bo butá takin bayongan in tombonunea, bo inogoian-Mu in kobiagan bo iḷukadan-Mu. Kon ini-Mu bayongan in kawasa kon ḷangit tumungkud mosumba; mosia in tumonsiup kon ini-Mu bo tumungkud.

EPESUS 1:8

Pinomia-Nea intua sin motabi totok kon i naton bo tabi-Nea tatua in inogoi-Neadon kon i naton takin bayongan hikmat bo pongortian.

KINOBAḺIAN 1:31

Ki Allah in inimindoi kon bayongan inta ain pinomia-Nea tatua, bo nopia totok in gina-Nea. Doḷom noitaḻib bo namangoidon in doḷo-doḷom. Tuata in singgai inggonomnea.

AYUB 5:9

Aid mita i Allah diá in poḻiuan; diábí komangaḻean naton intua. Inta mokoherang mita inta inaidan-Nea, diádon koiapan bo diábí modait-dait.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

MAZMUR 65:11

Iko in momonu in tubig kon bayáan in pajeko bo binuntadan-Mu in ḻitodan mita in butánea. Sinobai-Mu in uyan in butánea, bo binarakatan-Mu in kobiagan in pinomuḷanea mita.

MAZMUR 92:6

Totuu moḷoben in bayongan inta inaidan-Mu, o Tuhan, totuu moako in raian-Mu mita!

MAZMUR 107:24

Mosia in nokoontong kon aid mita i Tuhan, mia-Nea inta mokoherang kon dagat.

MAZMUR 148:7

Dayowdon in ki Tuhan, ei tombonu in dunia, ei naga mita in dagat bo bayongan in baḷangon;