MAZMUR 103:9 - Alkitab Singog In Mongondow Masa In Tanaa

⁹ Sia in diábí umuran mongguak, bo diábí mononoi in torú-Nea.

MAZMUR 103:9 Referans Kwoze

YESAYA 57:16

Diábí modapot in mononoi Akuoi in mopotaḷá kon umat-Ku, diábí mononoi in tumorú in Akuoi, sinbá mosia in diá kobuḻian in ibog, bokaka Akuoibí in inta nomiag kon i monia.

MAZMUR 30:5

Podondongdon in dondong dodayow kon i Tuhan, ei umat inta motoindudui, bo posukurdon kon i Inta Totok in motusi.

YEREMIA 3:5

Iko in noguman doman kon Akuoi in diábí umuran tumorú kon inimu. Tuata inta siningogmu, ei Israel, táe kon dodai doman intua aidanmu doman in bayongan inta moraat inta motaau aidanmu.”

YEREMIA 3:12

Ki Tuhan in nopotabá kon inakó mayá sin mopotaau in naa kon Israel: “Ei Israel inta diá mosatia, pobuidon mangoi kon i-Nakó! Akuoi in totokbí in motabi bo diábí mononoi in torú-Ku kon i monimu.

YESAYA 27:8

Ki Tuhan in nohukum kon umat-Nea pinongin noḷumbú kon i monia kon butá in intau. Inuntun-Nea in mosia pinongin tompot moraat nongkon dotá in pomukaan.

YEHEZKIEL 33:16

Akuoi in diá bidon monoropmai kon dosa mita inta ain inaidannea, bo sia in mobiagbí popisí in mogaid kon onu inta moitutui bo inta mopia.