MAZMUR 103:8 - Alkitab Singog In Mongondow Masa In Tanaa

⁸ Sin ki Tuhan in motabi bo mopia in gina Sia in mosabar bo tabi-Nea in moiḻiu ḷoben.

MAZMUR 103:8 Referans Kwoze

MAZMUR 86:15

Táe Iko, o Tuhan, ki Allah inta motabi bo mopia in gina, mosabar, nopuḻing in tabi bo mosatia.

YOËL 2:13

Bisi-bisídon in ginamu deemanbí ḷambungmu!” Pobuidon mangoi kon i Tuhan Allahmu. Sia in totuu kon mosabar bo motabi mopia in gina bo nopuḻing in tabi. Mopia in gina-Nea in mongampung bo doí mopobayá in hukuman.

NAHUM 1:3

Totuu kon ki Tuhan, in diábí ḷagi tumorú; táe Sia in totokbí doman in mokawasa dá ki ine in mogaid kon moitaḷá diábí poḷuaton-Nea kon hukuman. Kon onda in bayáan i Tuhan, kon tua in momuká in deḷang; kon pinomuntukan in sioḷ-Nea, kon tua in ḷobud mobaḻí goḷom.

MAZMUR 145:8

Ki Tuhan tua in motabi bo mopia in gina, diá baḷú tumorú bo umuran motabi.

MAZMUR 86:5

Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

YAKOBUS 5:11

Mosia in sinangoi nosanang sin notaba. Dinongogdon monimu in soaḷ kososabar i Ayub, bo kinotaauan monimu kon pangabisannea binarakatan i Tuhan in sia. Sin tabi i Tuhan in totok moḷoben bo Sia in mopia in gina.

YUNUS 4:2

Bo nosambayang in sia. “O Tuhan, aindon pinogumanku muna kon dodai in diápa nobuat nongkon baḷoiku koḻipod, kon notantúbí kon aidan-Mu in nanaa! Tuamai in akuoi bayá-bayádon noḷagui minayá in Spanyol! Kinotaauanku kon Iko in ki Allah inta totok in kototabi bo motanob, mosabar, moḷukó in dodia, bo umuranbí mosadia momaḷui kon tomayá mohukum.

YESAYA 55:7

Igumon mako intau inta moraat in monompiadon kon kobobiagnea, bo momaḷui kon pororainea. Biódon mako in sia in mobui mangoi kon i Tuhan, sinbá mokouḻí kon totabi-Nea. Igumon mako sinbá sia in mamangoi bui kon i Allah naton, sin ki Tuhan in mongampung takin pia in gina.

PINOGIAPAN 14:18

‘Akuoi, ki Tuhan, diábí ḷagi tumorú. Poontong-Kubí in tabi bo satia-Ku inta diá in poḻiuan. Ampungan-Kubí in intau inta binaradosa bo inta noḷawang kon i-Nakó. Pomayádon mako nanaa, taḷá in guyanga in tuḻían-Kudon kon adí bo ompunea, modapot in buí nogintoḷu bo buí noginggopat.’

MAZMUR 130:7

Pongamangdon kon i Tuhan, ei umat-Nea, sin Sia in umuranbí motabi, bo umuranbí nosadia moposaḷamat.

NEHEMIA 9:17

Mosia in diá motoindudui, bayongan in kopopia-Mu iḻiongdon, bo bayongan in oaid-Mu inta mokoherang diádon kinotoropan monia. Takin kaḷakuang nomiḻí in mosia kon itoi, sin modia kon i monia mayá in Mesir, bui mobaḻí ata. Táe Iko in ki Allahbí inta moibog mongampung, mosabar, mopia in gina bo nopuḻing in tabi. Tabi-Mu in diábí in poḻiuan; Diábí sinaḷáan-Mu in mosia.

ULANGAN 5:10

Táe tabi-Ku in poniata-Ku kon ribuan in buí nongkon intau mita inta motabi kon i-Nakó bo motoindudui kon parenta-Ku.

YEREMIA 32:18

Iko in nopoontong in tabi-Mu inta mononoi kon ribuan in intau, táe Iko in mohukum doman kon intau popisí in dosa in guranganea. Iko in Allah inta momulia bo motorindog; tangoi-Mu in Tuhan Inta Totok in mokawasa.

MAZMUR 31:20

Totuu mobayong in tabi-Mu inta sinadia-Mu kon intau inta mopirisaya! Pomuḷoi in intau mokoontong kon kopopia inta pinomia-Mu, kon i monia inta nokioḻingoi kon ini-Mu.