MAZMUR 103:22 - Alkitab Singog In Mongondow Masa In Tanaa

²² Dayowdon in ki Tuhan, ei bayongan in inta binaḻí-Nea kon sinangkub in butá inta kinawasa-Nea. Dayowdon ki Tuhan, ei dimukudku!

MAZMUR 103:22 Referans Kwoze

MAZMUR 145:10

Bayongan inta binaḻí-Mu in modayowbí kon ini-Mu, o Tuhan, bayongan in umat in mopoyaputbí in sukur kon ini-Mu.

YESAYA 49:13

Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

MAZMUR 150:6

Biódon mako in bayongan in mahaḷuk inta nobiag modayow kon i Tuhan. Dayowdon in ki Tuhan!

YESAYA 44:23

Porogiowdon moḷunganga, ei ḷangit, porogiowdon, ei bonu in butá! Porogiowdon takin ḷunganga in gina, ei buḷud mita! Natua doman in kayuon bo bayongan in pangkoi in kayu kon bonunea! Sin ki Tuhan in nopoontongdon in kamuliaan-Nea pinongin notobut kon Israel umat-Nea.

YESAYA 43:20

Biag kaḻig in mohoromatbí kon i-Nakó; serigala bo ḷagapan unta in modayowbí kon i-Nakó sin Akuoi in nogiḻig kon tubig kon padang gurun, bo ongkag mita kon rawang kayuon sin mopoinum kon umat inta piniḻí-Ku.

MAZMUR 146:1

Dayowdon in ki Tuhan! Ei jiwaku, dayowdon in ki Tuhan!

MAZMUR 104:35

Biódon mako in intau binaradosa moinggamá kon dunia naa, biódon mako in intau moraat modait moyopú. Dayowdon in ki Tuhan, ei dimukudku! Dayowdon in ki Tuhan!

MAZMUR 104:1

Dayowdon in ki Tuhan, ei dimukudku! Totuu moḷantud in Iko, o Tuhan Allahku! Iko in nopogiḷambung in koyunggaga bo kamuliaan,

MAZMUR 103:1

Nongkon i Daud. Dayowdon ki Tuhan, ei dimukudku, ḻimbatú in ginaku, dayowdon in tangoi-Nea inta mokudus.

MAZMUR 145:21

Akuoi in moibogbí umuran modayow kon i Tuhan, igumon mako in bayongan in mahaḷuk-Nea in modayow kon tangoi Tuhan modapot in mononoi.

MAZMUR 148:1

Dayowdon in ki Tuhan! Dayowdon in ki Tuhan, ei tombonu in soroga! Bayongan inta nogutun kon tampat moḷantud, dayowdon in Sia!