MAZMUR 103:15 - Alkitab Singog In Mongondow Masa In Tanaa

¹⁵ Intau naa in kobiagannea in motoyongbí naonda bo bonok; sia in mobiag naonda bo bungang kon gobá;

MAZMUR 103:15 Referans Kwoze

PETRUS 1 1:24

Kon bonu in Buk Motusi pinaisdon nanaa: “Bayongan in intau kon dunia naa naonda bo bonok, bo bayongan in kamuliaannea naonda bo bungai in bonok. Bonok moḷaḷow, dá bungainea in mototak doman;

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 28:1

Moboditodon in kotá inta kino ibo-ibog in intau mita moḷoḷoḷangu in Israel! Kogaganea in mopopatdon naonda bo bungang inta noḷaḷow kon tudu in uḷu monia. Moboditodon in kotá inta noḷantud monik kon yuak in ḷopá inta noḷumbá, inta kinosanang in intau mita inta nongoḷoḷangudon totok.

NAHUM 1:4

Sia in nongguak kon dagat bo nobaḻí nogiot, bayongan in ongkag iningkagan-Nea komintan. Buḷud in Karmel bo rawang mita kon Basan nobaḻídon noḷogat bo kon Libanon noḷaḷowdon in bayongan bungang.

YESAYA 28:4

Kotá monia inta totok in ponango-nangoian tua in momangkoidon moinggamá. Ukurnea in nádon onda bo ukur in bungai in ara inta noḷutú kon dodai in deemanpa wakutunea; naonda in inontong, bayá-bayádon sinipú bo kinaan.