MAZMUR 102:18 - Alkitab Singog In Mongondow Masa In Tanaa

¹⁸ Sia in mokidongogbí kon sambayang in umat-Nea kon bonu in roriga, bo diábí mondoí kon oigum monia.

MAZMUR 102:18 Referans Kwoze

SURAT I PAULUS KON JAMAAT RUM 15:4

Bayongan inta pinais kon Buk Motusi, tua in makusudnea motundúbí kon inaton. Sin totundú inta sinarima naton nongkon Buk Motusi nokodugang kon kototahang bo kororopot in gina naton, dá kita in umuran moharap kon i Allah.

YESAYA 43:21

Mosiabí tua in bangusa inta binaḻí-Ku kon i-Nakó: sinbá motaau mopotaau in dodayow kon i-Nakó.”

PETRUS 2 1:15

Dá tantú ramujionku sinbá umpakabí akuoi in diádon, yo umuranpa doman kotoropan monimu in soaḷ mita tatua.

KORINTUS 1 10:11

Tua komintan ain noiantug kon i monia saḷaku contoh kon intau mita ibanea. Bo komintan tua in pinaisbí doman sin mobaḻí tompoingat kon i naton kon singgai tumi inta ain nodiug.

EPESUS 2:10

Ki Allahbí in nomia kon i naton, bo pinongin i Kristus pinomia-Nea in kita, sinbá kita in mogaid kon soaḷ mita inta mopia inta ain sinadia-Nea kon i naton.

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

YESAYA 43:7

Sin mosia komintan ain inoiní pinodoyon kon tangoi-Ku. Mosia in binaḻí-Ku sin mohoromat kon i-Nakó.”

MAZMUR 71:18

O Allah, dika taḷaan in akuoi, modapot in mogoguyang in akuoi bo ubanan, sinbá akuoi in mopotaau in kawasa bo kototoyang-Mu kon bayongan in buí inta moiduduimai.

MAZMUR 48:13

Ḻibudon in Sion, ḻibudon in sia, bo iyapdon in ḷangkeangnea.

IḶUAIAN 17:14

Guman i Tuhan kon i Musa, “Paisdon in soaḷ kinountungan tanaa sinbá tantú toropon. Poguman kon i Yosua kon Akuoi in moyompatbí kon intau in Amalek.”

MAZMUR 69:34

Sin ki Tuhan nokidongog kon intau inta nobogá; diábí pinomayá-Nea mako in umat-Nea kon bonu in ponjara.