MAZMUR 101:6 - Alkitab Singog In Mongondow Masa In Tanaa

⁶ Koibogku in intau inta motoḷutui kon i Allah; mosia in motaaubí in mogutun kon baḷoiku. Intau inta mobiag diá in bogit in motaau mobantung kon inakó.

MAZMUR 101:6 Referans Kwoze

MAZMUR 119:63

Akuoi in noyobayat in bayongan in intau inta motoguondok, bayongan in intau inta nogaid kon parenta-Mu,

WAHYU 21:3

Bo akuoi in nokodongog kon baḷú moropot nongkon tampat pomomarentaan tatua, noguman: “Indoiai! Tanaa mako tampat pogogutunan i Allah kon yua-yuakdon in intau! Sia in mobiagdon takin i monia, bo mosia in mobaḻídon umat-Nea. Bo ki Allah in mogutundon kon sigad monia bo mobaḻídon ki Allah monia.

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”

MATIUS 24:45

Ki Yesus in noguman, “Ki ine in simpaḷ inta mopia bo mopandoi? Inta aindon inaidan i tuangnea itoi in simpaḷ ibanea, sinbá sia in mobogoi in kaanon kon wakutunea.

MAZMUR 15:4

inta mopoompámai kon intau inta kinodoí i Allah, táe mohoromat kon intau inta mosatia kon i Tuhan; inta mogintompod kon dandi, umpakabí morugi

AMSAL 29:2

Aka intau moadil in momarenta, mopia in gina in rayat. Táe aka intau moraat in mongawasa, yo mororiga in rayat.

AMSAL 28:28

Aka intau moraat mongawasa, rayat mogadop; aka intau moraat in moputú, intau inta moadil in mobaḻí itoi.

MAZMUR 34:15

Poyayúdon in inta moraat, bo aidaidon in inta mopia, ḷongasidon totok in mobiag mododamean.

YOHANES 14:3

Naonda in Akuoi mayádon moposadia in tampat kon i monimu, Akuoi in buibí mamangoi monontomu kon i monimu, sinbá kon onda in Akuoi, kon tua doman i moiko.

IMAMAT 14:42

Bo batu mita inta pinoḷuai tatua musti toḻiuan in batu mita inta mobagu. Bayongan dinding in baḷoi tatua musti bui pelesteron toimbaguon.