MATIUS 9:26 - Alkitab Singog In Mongondow Masa In Tanaa

²⁶ Habar kon soaḷ inta nobaḻí tatua noiwayadon kon bayongan in ḻipú kon tua.

MATIUS 9:26 Referans Kwoze

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

MARKUS 1:45

Táe intau tatua minayábí bo nongonguman magí-mako kon onu inta nobaḻí kon inia tua, sahingga in ki Yesus diádon mobebas tumuot kon kotá tatua. Sia in tongádon kon ḷuai in kotá, kon tampat mita inta moingongow. Táe bayongan intau inta nongkon ḻipu-ḻipúannea umuran doman mamangoi kon i-Nia.

OUMAN IN RASUL MITA 26:26

Ki Tuang Agripa tontaní in porasaanku nonotaaubí totok kon soaḷ mita tanaa. Tuamai nobaranidon taran-tarangan in akuoi in nosingog kon tayowon i Tuang. Sin nodait bidon kinotaauan i Tuang in naa komintan, sin diábí in nobaḻí kon tampat inta noibuni.

MARKUS 6:14

Habar mita soaḷ bayongan inta nobaḻí tua noiyaput domandon kon i Datu Herodes, sin tangoi i Yesus kinotaauandon totok in intau kon ondakadon. Oyúon in noguman, “Ki Yohanes Mobobaptis in nobiagdon bui! Tuamai oyúon in kawasa-Nea mogaid kon inta mokoherang.”

MATIUS 9:31

Táe iḷumuai in mosia bo nopotaa-taau mako kon onu inta inaidan i Yesus tatua kon bayongan in ḻipú kon tua.

MARKUS 1:28

Dá habar soaḷ ki Yesus ḷagidon noiwaya kon bayongan butá in Galilea.

LUKAS 4:14

Onda intua ki Yesus minayádon bui in Galilea, bo Sia in umuran kon bonu in kawasa in Roho i Allah. Habar soaḷ ki Yesus noisiardon kon bayongan ḻipú tatua.

LUKAS 4:37

Dá habar soaḷ ki Yesus noibaya-bayádon mako kon bayongan ḻipú kon tua.

LUKAS 5:15

Táe habar soaḷ ki Yesus totokdon noisiar kon ḻipu-ḻipúannea, sahingga in nobayongdon intau in namangoi sin mokidongog kon onu in poguman-Nea bo mokiundam doman kon bayongan takit monia.

LUKAS 7:17

Habar tatua noibaya-bayádon mako kon bayongan ḻipú kon Yudea bo kon diugneamai.