MATIUS 8:23 - Alkitab Singog In Mongondow Masa In Tanaa

²³ Ki Yesus sinumakoi kon uangga bo dumodudui-Nea mita in sinumakin doman kon i-Nia.

MATIUS 8:23 Referans Kwoze

MATIUS 9:1

Onda intua ki Yesus sinumakoidon kon uangga bo iḷumeag minayá in ḷoḷan danow. Bo noidapotdon in Sia kon ḻipú-Nea tontaní.

LUKAS 7:22

Dá ki Yesus in noguman kon dumodudui i Yohanes tatua, “Bayádon bui kon i Yohanes bo oumandon onu inta ain inontong bo dinongog monimu: intau bilog mokoontong, intau ḻempeng mokobayá, inta pinanyaki kuḻit mokorongó mopia, intau bongoḷ mokodongog, intau matoi mobiag, intau bogá pinopoyaputan in Habar Mopia.

MATIUS 8:24

Bo dinaḻímai in tompot inirup noropot totok in danow tatua, dá nobokoḷ, bo bokoḷ kopiadon mondangat kon uangga inta sinakoian monia, táe wakutu intua ki Yesus nosiug noḷoḷot.

MARKUS 4:35

Kon singgaipa doman tatua, kon dodai in singgai noungkoḷomdon; ki Yesus in noguman kon murí-Nea mita, “Koḻigai in kita ḷumeag mopoako in ḷoḷan in danow.”