MATIUS 8:18 - Alkitab Singog In Mongondow Masa In Tanaa

¹⁸ Naonda in ki Yesus nokoontong kon intau moantó noḻipung kon i-Nia, Sia nonongganut minayá in ḷoḷan.

MATIUS 8:18 Referans Kwoze

LUKAS 8:22

Kon singgai tobatú, ki Yesus bo murí-Nea mita sinumakoi kon uangga. Sia in noguman kon i monia, “Igai bá kita mayá in ḷoḷan danow.” Dá minayá in mosia.

YOHANES 6:15

Kinotaauan i Yesus kon mosia in mamangoi sin momakisa kon i-Nia mobaḻí Datu monia. Tuamai in Sia minayádon kon daerah inta notombuḷud.

MARKUS 4:35

Kon singgaipa doman tatua, kon dodai in singgai noungkoḷomdon; ki Yesus in noguman kon murí-Nea mita, “Koḻigai in kita ḷumeag mopoako in ḷoḷan in danow.”

MATIUS 14:22

Onda intua ki Yesus ḷagi nopotabá kon murí-Nea mita sinumakoi kon uangga bo umuna kon i-Nia mayá in ḷoḷan, wakutu intua pinoki pobuian-Nea domandon in intau moantó tatua.

MARKUS 8:13

Bo sinaḷáanmaidon i Yesus in mosia bo minayá sinumakoi kon uangga bodongka nopobayá in ḷoḷan in danow tatua.

MARKUS 6:45

Nopaḷut mako kon tua ḷagidon pinotabá i Yesus in murí-Nea mita sinumakoi kon uangga bo umunadon kon i-Nia. Mosia pinotabá minayá in Betsaida inta kon ḷoḷan mako in danow, onda intua pinoki pobuian-Neadon in intau moantó tatua.

MARKUS 5:21

Ki Yesus minayá bui kon ḷoḷan in danow. Kon bingkí in danow tatua nobarong totok in intau in namangoi noyoḻipung kon ḻibumai Yesus.

MATIUS 8:1

Naonda in ki Yesus nosiḻig nongkon buḷud, intau mobarong dinumudui kon i-Nia.