MATIUS 6:22 - Alkitab Singog In Mongondow Masa In Tanaa

²² “Mata naa togá in awak. Aka matamu bo mopia, yo mobayag doman in bayongan awakmu.

MATIUS 6:22 Referans Kwoze

KORINTUS 2 11:3

Táe moḻia-ḻiawpa in ginaku sin dika-dika bo moitabat in raian monimu bo diádon motoindudui kon i Kristus, naonda bo ki Hawa koḻipod inta kinoakaḷan in uḷag.

KOLOSE 3:22

Utat mita inta nobaḻí ata! Kon bayongan in rupa-rupa duduiaibí onu in pokiaid i tuangmu kon dunia naa. Deemanbí dumudui aka koontonganpa mako monia sinbá dayowon in moiko. Táe duduiaibí in mosia takin gina motuḻid lantaran horomatmu kon i Tuhan.

EPESUS 6:5

Utatku mita inta nobaḻí ata! Duduiaibí in onu inta pinoki aid i tuangmu inta kon dunia naa. Aidai intua takin porasaan horomat, motoindudui, bo gina inta totu-totuu, naonda bo pogogaid monimu kon onu inta pinoki aid i Kristus tontaní.

OUMAN IN RASUL MITA 2:46

Pomuḷoi in singgai mosia in moyosipun kon Baḷoi Tuhan; mosia mongaan doman moyotakin kon baḷo-baḷoiannea. Tua komintan inaidan monia takin pia in gina bo takin doman dodia inta moompá.

YESAYA 5:20

Moboditodon in moiko inta monuui kon inta mopia bo inta moraat, inta mosindip bo inta mobayag, inta mopait bo inta moromimit!

MATIUS 5:15

Apa doman diábí intau inta mopoyongkit mako in togá bo tungkubannea in belek, yo tantú tuduonneabí kon tampat pototuduan kon togá dá mokosimbayag kon bayongan intau inta kon bonu in baḷoi tatua.