MATIUS 6:1 - Alkitab Singog In Mongondow Masa In Tanaa

¹ “Pokotoropdon, donaai moiko mogaid kon onu inta pinarenta in agamamu kon tayowon intau sinbá koontongan monia. Sin aka natua yo diábí in mangaḻenea, bo ki Amámu inta kon soroga in doíbí in natua.

MATIUS 6:1 Referans Kwoze

MATIUS 23:5

Onu inta inaidan monia in tangábí popoontong kon intau. Mosia in momaké in tali moḷoben inta pakéonmai mosambayang bo inta rumbainea mongoḷanggó mita!

YOHANES 12:43

Sin mosia in moibo-ibogbí in kahoromatan intau dika in kahoromatan i Allah.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.

LUKAS 16:15

Dá siningog i Yesus in mosia, “Moiko in ontongon ná intau mongobanar, táe kinotaauanbí i Allah in kon bonu in gina monimu. Sin onu inta kinoibog in intau, tuata inta kinodoí i Allah.

GALATIA 6:12

Intau mita inta mokikoontong kon tumpaḷa intau, mosia inta moramuji momakisa kon i monimu sinbá sunaton. Táe tua in aidan monia sinbá diá pogutúon in intau Yahudi in mosia. Sin mosia in nopoyaput in habar soaḷ roriga i Kristus.

YOHANES 5:44

Naondabí in kopopirisaya monimu aka moiko tongábí motayak kompé dayowon in intau ibanea, diábí moramuji sinbá dayowon i Allah inta totobatú tua?

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

YOHANES 2 1:8

Sin tuamai, mokopoingat sinbá moiko in diá kobuḻian in onu inta ain iramuji nami sin kopontingan monimu. Poramujidon totok sinbá moiko in motarima kon tontuḻí in bayongan inta ain inaidanmu.

MARKUS 8:15

Ki Yesus in noguman kon i monia, “Mokopoingat in moiko kon ragi in intau mita in Parisi bo ragi i Herodes.”

MATIUS 6:16

“Aka moiko bo mopuasa, yo donaaibí popokantara kon pogotmu ná intau mita inta mongomunapik. Imonia in popokantarabí kon pogot monia, sinbá kotaauan in intau kon mosia in koyogot mopuasa. Poguman-Ku kon inimu, tuadon bungainea kon i monia.

MATIUS 16:6

Ki Yesus noguman kon i monia, nanaa: “Umuran pobasadia bo mokopoingat kon ragi in intau in Parisi bo Saduki.”

LUKAS 12:15

Noiduduimai kon tua ki Yesus in noguman kon intau moantó kon tua, “Mokopopia in moiko bo umuran kiḷuka-ḷukadmai sinbá diá modunia, sin umpakabí moantó totok in kapunyaan, táe kobiagan mononoi tua in diábí sinantú in kapunyaan tatua.”

MATIUS 5:48

Manangka intua moiko in musti mogaid kon inta totok in mopia ná ki Amámu inta kon soroga ain nogaid kon inta totok in mopia.”

MATIUS 5:16

Natua doman bayagmu musti monindar kon tayowon in intau, sinbá ontongon monia in oaidmu mita inta mopia bo modayow kon i Amámu inta kon soroga.”

LUKAS 11:35

Tuamai umuran mokopopia sinbá bayag inta kon inimu diá mobaḻí mosindip.

MAZMUR 112:9

Sia in mosila-silaibí mako kon kapunyaannea, bo mobogoi in oogoi kon intau nobogá; sia in umuranbí mogaid kon inta mopia, tuamai in sia nongawasa bo ihoromat.

LUKAS 12:1

Kon dodai intua ribuan intau in nosipun, dapot in moyopuntukdon kon sioḷ. Koyogotpa moyosipun in intau mita tatua, ki Yesus in noguman kon murí-Nea mita, “Mokopopia in moiko kon ragi intau in Parisi, makusudnea in oaid intau in Parisi inta mongomunapik.

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

MATIUS 5:46

Táe aka moiko bo tongá motabi kon intau inta motabi doman kon inimu, onubí in mangaḻenea? Diá kinotaauan monimu degá kon mononagi mita doman kon pajak mogaid doman kon natua?

ZAKHARIA 7:5

Kai-Nia, “Potaaudon kon bayongan intau kon butá tanaa bo kon imang mita, kon puasa bo amui inta pinobayá monia kon buḷan noginḻima bo noginpitu kon bonu in pitu notaong naa deemanbí mohoromat kon i-Nakó.

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

MATIUS 6:9

Tuamai aka moiko bo mosambayang yo singogdon naa: ‘O Allah, Amá nami inta kon soroga, tongábí Iko in ki Allah inta sinumba bo inta dayo-dayowon nami.

ULANGAN 24:13

táe mustibí pobuionmu kon inia pomuḷoi in doḷom, sinbá motaau pakéonnea pomuḷoi in mosiug. Dá sia in mopoyaputdon in sukur moantó bo iko in koibogdon i Tuhan Allahmu.

IBRANI 2:1

Manangka intua, mustidon totu-totuu in kita kumadai kon totundú mita inta ain dinongog naton, sinbá diá mobaḷui in pirisaya naton.

DANIEL 4:27

Tuamai in aka motaau dá ki Tuangku in dumuduipa kon tonggina in bobantung naa. Dikadon in ki Tuangku mogaid kon dosa, táe aidaidon in onu inta mopia bo moadil, bo kotabidon in intau nobiag nobogá. Takin natua ki Tuangku in umuranbí mobiag mopia-pia mako.”

IBRANI 11:26

Irai Musa kon diábí nongonu in singkuḻeon sin mopirisaya kon i Datu Mopoposaḷamat inta pinodandi i Allah dika in mokouḻí kon bayongan kapunyaan kon butá in Mesir, sin iharap mako i Musa tua in kapunyaanbí kon singgai moiduduimai.

MATIUS 16:27

Diádon moonggot bo ki Adí Intau takin malaekat-Nea mita in mamangoi takin kawasa i Amá-Nea. Kon dodai intuata Sia motuḻidon kon pomuḷoi in intau podudui in oaidnea.

DATU MITA 2 10:16

poḷat noguman, “Koḻigai dudui bo indoiai tontaní naonda in akuoi dumudui kon onu inta pinoguman i Tuhan.” Bo noyotakindon in mosia sinumakoi kon kereta minayá in Samaria.

ZAKHARIA 13:4

Kon singgai tatua, nabi mita in angoianbí in oyá in mogaid naonda bo nabi. Mosia in diá bidon mogiḷambung in nabi sin monguboḷ bo dumodia kon oontongon monia.

OUMAN IN RASUL MITA 3:12

Naonda in ki Petrus nokoontong kon intau mobayong tatua, sia in nosingog kon i monia nanaa, “Ei intau mita in Israel nongonu sin moiko in moherangbí in mokoontong kon tua komintan? Degá kai monimu kamai dá intau tanaa in nokobayá popisíbí in kawasa bo kotoindudui nami kon i Allah?