MATIUS 5:42 - Alkitab Singog In Mongondow Masa In Tanaa

⁴² Ogoiai monag in intau inta moigum bo donaaidon mogindoí kon intau inta mamangoi moḷuan kon inimu.”

MATIUS 5:42 Referans Kwoze

AMSAL 19:17

Motuḷung kon intau bogá notongkaibí in nopoḷuan kon i Tuhan; bain ki Tuhan doman in motuḻí kon tua.

IBRANI 13:16

Donaai koḻiongan monimu in mogaid kon inta mopia bo mosituḷungan, sin naabí in kuruban mita inta mokosanang totok kon gina i Allah.

MAZMUR 37:21

Intau moraat in moḷuan bo diá mopobui kon onu inta iḷuanannea, táe intau mopia in mobogoibí takin pia in gina.

SURAT I PAULUS KON JAMAAT RUM 12:20

Nanaa in aidai, aka gogoyon in saturumu yo ogoiai in sia in kaanon, aka moyogang in sia, yo ogoiai inumon. Sin aka tua in aidanmu, yo aidmu tatua in mokopooyábímai kon inia.

DANIEL 4:27

Tuamai in aka motaau dá ki Tuangku in dumuduipa kon tonggina in bobantung naa. Dikadon in ki Tuangku mogaid kon dosa, táe aidaidon in onu inta mopia bo moadil, bo kotabidon in intau nobiag nobogá. Takin natua ki Tuangku in umuranbí mobiag mopia-pia mako.”

MOHOHUTUBA 11:6

Ponabudon in bibitmu kon dodai in doḷo-doḷom bo dika mogogai in doḷom. Sin diábí kotaauan naton mongo bibit táonda in mopia in kobobiagnea. Dika-dika bo tumpaḷabí in sia mobiag motompia.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.

YAKOBUS 1:27

Podudui ibog i Allah, ibada inta moitutui in motuḷungbí kon adí mita inta uno-unondon bo kon i monia inta dongkadon boba-bobay inta nobiag moyoyiga, poḷat doman moḷukad kon awak tontaní sinbá diá poguyaaton in dunia naa.

LUKAS 11:41

Nanaa! Onu inta kon bonu in pindan bo palomu tua, tuata inta musti ogoi monimu kon intau mita nobogá. Aka tua in aidanmu, yo modarit komintan onu inta nokotor kon inimu.

AMSAL 21:26

Kinoouput in singgai sia in tongábí morai kon onu inta kinoibognea. Táe, intau inta motuḻid in kobobiagnea motaaubí mobogoi in mobarong.

MATIUS 5:41

Bo ki inekabí in momakisa kon inimu mayá toribu nometer, yo dugangaidon mako mayá takinnea doyowa noribu nometer in koyayúnea.