MATIUS 5:24 - Alkitab Singog In Mongondow Masa In Tanaa

²⁴ yo taḷaaipa in onu inta diniamu posumba tatua kon tayowon in meja pogogukatan kon sosumba bo bayádon muna poyodame i utatmu tatua bain tua bo bayádon pobogoi kon onu in posumbamu kon i Allah.

MATIUS 5:24 Referans Kwoze

YAKOBUS 5:16

Tuamai moiko in musti mosi akuan kon taḷá bo mosi sambayangan, sinbá undaman in moiko. Sambayang in intau inta dinumudui kon ibog i Allah, moḷoben in kawasanea.

AYUB 42:8

Dá, gamádon in tanaa sapi koḷakian pitu bo domba koḷakian pitu, bo bayádon kon i Ayub. Bo posumbadon intua komintan mobaḻí kuruban payongon kon inimu. Sambayangan i Ayub in moiko bo tarimaan-Ku in sambayangnea. Moiko in diábí pokopooyáan-Kumai, umpakabí patus in moiko motarima kon hukuman. Diá inouman monimu kino banar ki ine in Akuoi, ná inta inouman i Ayub.”

AMSAL 25:9

Aka moyotaḷá takin yobayatmu, yo poyotutuipa intua tongá takinnea, táe onu in iharasia in intau dikabí potaaumu.

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.

MATIUS 23:23

Koboditodon ei moiko mototundú kon agama bo intau mita in Parisi! Ei moiko in intau mita inta mongomunapik. Pododungú in pogamaan monimu kon mopuḷú noporosen, tongá inta moponting totok kon bonu in hukum i Musa ḻiongon monimu.

KORINTUS 1 11:28

Manangka intua intau in mustipabí muna momirikisa kon awaknea bain tua bo motaau mokaan kon roti bo monginum kon anggur tatua.

MARKUS 9:50

Simuton tua in mopiabí, táe aka moḷiaudon yo onu i motaau pogibung monimu bui kon tua? Dá tuamai kobaḻíbí in moiko ná simuton bo kobiagbí moyotakin, takin popiaan bo totabian.”

MATIUS 5:23

Manangka intua aka iko modia kon onu inta ogoi posumba kon i Allah bo wakutu intua moiko nokotorop kon oyúon ki utatmu mosakí in gina kon inimu,