MATIUS 4:9 - Alkitab Singog In Mongondow Masa In Tanaa

⁹ bo Ibilis in noguman kon i-Nia: “Tanaa komintan daitonku ogoi kon ini-Mu, aka Iko tumungkud mosumba kon inakó.”

MATIUS 4:9 Referans Kwoze

KORINTUS 2 4:4

Sin ilah moraat inta mongawasa kon dunia naa in tantú mogoḻingoi kon raian in intau mita inta diá mopirisaya. Siabí tua in tantú mogoḻingoi kon i monia sinbá diá mokoontong kon bayag in Habar Mopia soaḷ kawasa i Kristus inta moḷoben, inta nobaḻí oḻinow i Allah.

WAHYU 19:10

Dá sinumungkud in akuoi kon tayowonnea sin mosumba kon inia, táe sia in noguman kon inakó, “Donaai! Donaai mosumba kon inakó, sumbadon in ki Allah! Sin akuoi naa in tongábí doman bobantung ná iko nion bo notongkai doman i utatmu mita inta umuran kinumadai norigon kon onu inta pinoguman i Yesus!” Sin onu inta pinoguman i Yesus, tuatabí inta nopogonú kon gina in intau mita inta nopotaau in koyow i Allah.

YOHANES 16:11

Poguman-Nea doman kon ki Allah in momangkoidon mohukum, sin mongongawasa kon dunia naa in ihukumdon.

TIMOTIUS 1 3:6

Intau inta mobaḻí itoi kon jamaat, in deemanbí intau inta bagu nopirisaya kon i Kristus, sin dikabo mobaḻí in sia mokaḷakuang, sahingga in kutukon ná Ibilis koḻipod.

MAZMUR 72:11

Bayongan in datu in dumokóbí kon tayowonnea, bayongan in bangusa mobaḻí atanea mita.

WAHYU 19:16

Jubah bo paa-Nea in pinaisan tangoi nanaa, “Datu in bayongan datu, bo Tuang in bayongan tuang.”

YOHANES 14:30

Diádon moantó in oumanon-Ku kon i monimu, sin wakutuneadon mongongawasa in dunia naa mamangoi. Táe diábí kokawasaannea in Akuoi.

YOHANES 13:3

Kinotaauan bidon i Yesus kon ki Amá in noposarakandon in kawasa-Nea komintan kon i-Nia. Kinotaauan-Neabí doman kon Sia in namangoi nongkon i Allah bo mobui doman kon i Allah.

YOHANES 12:31

Tanaa in wakutuneadon dunia hakimon; bo tanaadon mako in mongongawasa kon dunia naa pogarabdon kon ḷuai.

MATIUS 26:15

Bo noḻibó, “Onu in ogoi monimu kon i nakó, aka Sia posarakanku kon i monimu?” Dá inogoian monia in doit saḷaka toḷu nopuḷú in sia.

DANIEL 4:32

Iko in poguntunon nongkon sigad in intau mita, bo mobiag moyotakin in mahaḷuk mita kon rawang. Pitu notaong in koonggotnea iko in mokaan kon bonok naonda bo sapi. Mopaḷut mako kon tua iko in mongakudon kon Ki Allah Inta Totok in moḷantud in kitogi kawasa kon dodatuan in intau bo dodatuan tatua in inogoi-Nea kon i inekabí inta piniḻí-Nea.”

AMSAL 8:15

Datu mita in dinuḷuanku momarenta, mongongawasa mita in sinuḷunganku moposindog in inta moadil.

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”