MATIUS 4:25 - Alkitab Singog In Mongondow Masa In Tanaa

²⁵ Dá intau mobarong totok in dinumudui kon i-Nia. Oyúon nongkon Galilea, Dekapolis, Yerusalem, Yudea, bo oyúon doman nongkon ḻipú inta kon ḷoḷan Ongkag in Yordan.

MATIUS 4:25 Referans Kwoze

LUKAS 6:17

Onda intua ki Yesus nosiḻig nongkon buḷud tatua takin rasul-Nea mita, bodongka sinumogon kon tampat inta notondodai. Kon tua nobarong doman in dumodudui-Nea mita ibanea bo intau mita inta namangoi nongkon ḻipú mita inta kon butá in Yudea, Yerusalem, bo kon kotá mita in Tirus bo Sidon inta kon bingkí in dagat.

MARKUS 5:20

Dá minayá domandon intau tatua, bo nomangkoidon nopotaau kon daerah mita inta sinangoi, “Kotá Mopuḷú.” Sia nopotaau kon onu inta ain pinomia i Yesus kon inia. Bayongan intau nongoherang nokodongog kon inia.

MARKUS 7:31

Onda intua ki Yesus nonaḷámaidon kon butá in Tirus, bo nongingguput kon bobayáan-Nea nongin Sidon nopobayá in Danow Galilea. Sia in nomiḻí kon daḷan nongin daerah inta sinangoian “Kotá Mopuḷú.”

LUKAS 6:19

Komintan intau in moḷongasi moḻiai kon i Yesus, sin oyúon in kawasa ḷumuai nongkon i-Nia inta mokopia kon i monia komintan.

MARKUS 6:2

Kon singgai in Sabat Sia in nomangkoidon nobogoi in topotundú kon bonu in baḷoi pososambayangan. Nobayong intau kon tua. Kon dodai in mosia nokodongog kon totundú-Nea tua, noherang totok in mosia. Mosia in noguman, “Kon onda in kinouḻían intau tanaa kon bayongan tua? Kabijaksanaan naonda in kon i-Nia nion? Naondabí sin motaaubí in Sia mogaid kon inta mokoherang?

MATIUS 19:2

Intau nobarong totok in dinumudui kon i-Nia, bo kon tua Sia nongundam kon i monia inta nongotakit.

MATIUS 12:15

Táe kinotaauan i Yesus in raian monia tatua, dá sinaḷáan-Neadon in tampat tatua. Nobayong in intau dinumudui kon i Yesus, bo inundaman-Nea in mosia komintan.

MATIUS 8:1

Naonda in ki Yesus nosiḻig nongkon buḷud, intau mobarong dinumudui kon i-Nia.

MATIUS 5:1

Naonda in ki Yesus nokoontong kon intau moantó tua, Sia notakod kon buḷud, bo naonda iḻimitú in Sia, murí-Nea mita in namangoidon kon i-Nia.

MATIUS 4:15

Nanaa: “Butá in Zebulon bo Naptali, daḷan mayá in danow, ḻipú kon ḻimako Ongkag in Yordan, Galilea, tampat in bangusa mita ibanea deeman Yahudi!