MATIUS 4:19 - Alkitab Singog In Mongondow Masa In Tanaa

¹⁹ Ki Yesus noguman kon i monia: “Koḻigai, duduidon kon i-Nakó, sinbá moiko in baḻíon-Kudon mololandará kon intau.”

MATIUS 4:19 Referans Kwoze

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”

MATIUS 16:24

Bo ki Yesus in noguman kon murí-Nea mita, “Pomuḷoi intau inta moibog dumudui kon i-Nakó, sia in musti monaḷámai kon oaidannea tontaní bo momotaan kon roriganea, bo dumudui kon i-Nakó.

LUKAS 9:59

Ki Yesus noguman nanaa kon intau ibanea, “Duduidon kon i-Nakó!” Tongá intau tatua in notubag nanaa, “Tuang ogoiaipa muna in kasampatan in akuoi moḷobong kon i amáku.”

YOHANES 21:22

Ki Yesus in notubag, “Aka moibog in Akuoi kon sia in umuranpa mobiag modapot in Akuoi mamangoi bui, yo tua in deemanbí iko in kitogi totaau. Táe iko in duduidon kon i-Nakó!”

YOHANES 1:43

Nopoikoḷomai kon singgai ki Yesus in nonantúdon kon mayá in Galilea. Sia in noyodungkuḷ i Pilipus. Ki Yesus in noguman kon i Pilipus, “Koḻigai duduidon kon i-Nakó!”

LUKAS 5:27

Onda intua ki Yesus iḷumuai bo nokoontong kon intau mononagi kon pajak, tangoinea in ki Lewi, inta ḻimitú mako kon kantornea. Ki Yesus in nogoiní kon inia, “Duduidon kon i-Nakó”.

MARKUS 2:14

Wakutu in ki Yesus nopobayá natua, Sia in nokoontong kon tobatú intau mononagi kon pajak tangoinea in ki Lewi inta ki adí i Alpeus. Ki Lewi naa ḻimitú mako kon kantor in pajak. Ki Yesus in noguman kon inia, “Duduidon kon i-Nakó,” Dá sindo-sindog in ki Lewi bo dinumuduidon kon i Yesus.

MATIUS 19:21

Tubag i Yesus kon inia, “Aka iko bo moibog motompod totok, yo bayádon potaḷui komintan onu inta kon inimu bo silaidon tua komintan kon intau mita inta bogá dá iko in mokouḻídon kon kapunyaan kon soroga, onda intua angoidon kon naa bo dudui kon i-Nakó!”

MATIUS 9:9

Naonda in ki Yesus minayá nongkon tua, Sia nokoontong kon tobatú intau tangoinea in ki Matius inta iḻimitú mako kon kantor in pajak. Ki Yesus in noguman kon inia, “Duduidon kon i-Nakó.” Dá ki Matius in sinimindog doman bo dinumudui.

MATIUS 8:22

Táe ki Yesus in notubag: “Duduidon kon i-Nakó, bo pomayádon mako intau minatoi moḷobong kon intau minatoi monia.”

KORINTUS 2 12:16

Oobí kon moiko in nosatujubí kon akuoi in diábí nokiposusamai kon i monimu. Tongá oyúon doman in mosingog kon akuoi naa in diá mojujur, mopandoi mongakaḷ sin motayak kon kauntungan nongkon imonimu.

MATIUS 4:18

Kon tungkuḷ in ki Yesus minayá nongin bingkí in Danow Galilea, Sia in nokoontong kon intau taya dua mogutat, ki Simon (inta dinonoi ki Petrus) bo ki Andreas ki utatnea. Tua in tangoi monia. Mosia in koyogot mobukayad kon landará kon danow sin tuabí in oaidan monia, modomok kon toyá.

MATIUS 4:20

Dá mosia in nonaḷámaidon kon landará monia bo dinumudui kon i Yesus.