MATIUS 4:15 - Alkitab Singog In Mongondow Masa In Tanaa

¹⁵ Nanaa: “Butá in Zebulon bo Naptali, daḷan mayá in danow, ḻipú kon ḻimako Ongkag in Yordan, Galilea, tampat in bangusa mita ibanea deeman Yahudi!

MATIUS 4:15 Referans Kwoze

YESAYA 9:1

Bangusa inta nobiag kon bonu in sindip mokoontongdon kon bayag moḷoben. Inta nogutun kon bonu in oḻinow in popatoi sinimbayagan in sindar nobayag.

DATU MITA 2 15:29

Kon tungkuḷ in pinomarentaan i Pekah, ki Tiglat-Pileser Datu in Asyur nogagow kon kotá in Iyon, Abel-Bet-Maakha, Yanoah, Kedes, Hazor, butá in Gilead, Galilea bo Naptali. Intau mita inta nogutun kon tua in dinianea doman nobaḻí intau mita inta dinakop bo dinia kon Asyur.

DATU MITA IMITÁNEA 9:11

Bayongan in kayu ḷokuyú in Libanon bo kayu ḷokuyú biasa takin bayongan in buḷawan inta paraḷu i Salomo pinogaid kon tua in inogoibí i Datu Hiram kon inia. Naonda in oaidan tatua noḷapat, ki Datu Salomo in nobogoi kon i Hiram in doyowa nopuḷú in kotá kon butá in Galilea.

YOSUA 20:7

Dá kon butá kon dotá in toyopan kon Ongkag in Yordan umat in Israel in nonantúdon kon kotá mita noiduduimai naa nobaḻí kotá pogogadopan: Kedes kon buḷud in Naptali kon Galilea, Sikhem kon buḷud in Epraim, bo Hebron kon buḷud in Yohuda.

MATIUS 4:13

Sia nonaḷámai kon Nazaret bo minayá nogutun kon Kapernaum, kon bingkí in Danow Galilea, kon butá in Zebulon bo Naptali,

MATIUS 4:14

sinbá motompodon Pirman inta pinoyaput i Nabi Yesaya:

MATIUS 4:25

Dá intau mobarong totok in dinumudui kon i-Nia. Oyúon nongkon Galilea, Dekapolis, Yerusalem, Yudea, bo oyúon doman nongkon ḻipú inta kon ḷoḷan Ongkag in Yordan.

LUKAS 24:27

Onda intua nodait-Nea ininsilangan kon i monia in bayongan onu inta pinais kon Buk Motusi soaḷ Sia. Pinangkoi kon inta pinais i Musa nodapot in buk in nabi mita.