MATIUS 4:12 - Alkitab Singog In Mongondow Masa In Tanaa

¹² Kon wakutu in ki Yesus nokodongog kon ki Yohanes ain dinomok, Sia sinimí minayá in Galilea.

MATIUS 4:12 Referans Kwoze

MARKUS 1:14

Naonda in ki Yohanes dinomok pinobonu kon ponjara, ki Yesus minayá in Galilea, bo nopotaau kon tua in Habar Mopia inta nongkon i Allah.

LUKAS 3:20

Tongábí nokodugang kon romú i Herodes nodapot in ki Yohanes pinobonunea kon ponjara.

MATIUS 14:3

Sin ki Yohanes ain pinoki domok bo pinoki tokig i Herodes bo binonunea kon ponjara. Soaḷ tatua noyotogot in persoalan i Herodias, ki buḷoi i Pilipus ki utatnea.

LUKAS 4:14

Onda intua ki Yesus minayádon bui in Galilea, bo Sia in umuran kon bonu in kawasa in Roho i Allah. Habar soaḷ ki Yesus noisiardon kon bayongan ḻipú tatua.

MARKUS 6:17

Sin kon wakutu in diápa intua, ki Herodes ain nopotabá kon intau modomok kon i Yohanes, bo bonuon kon ponjara. Pinonjara i Herodes in ki Yohanes, sin popisí in nonoboḷow kon inia soaḷ mononibuḷoi kon i Herodias inta ki buḷoi i Pilipus ki utatnea tontaní,

YOHANES 4:54

Tua in tanda mokoherang induanea inta pinomia i Yesus kon Galilea naonda in Sia nongkon Yudea.

YOHANES 4:43

Naonda in doyowadon nosinggai in nogutun kon Sikhar, minayádon in ki Yesus kon Galilea.

LUKAS 4:31

Onda intua ki Yesus minayá in Kapernaum, tobatú kotá kon Galilea. Kon tua in Sia nopoyaput doman in Habar Mopia kon singgai in Sabat.

MATIUS 11:2

Ki Yohanes inta kon bonu in ponjara aindon nokodongog kon onu in inaidan i Kristus,

LUKAS 23:5

Táe tantú domandon monia ḷongasion kon bá hukumon in Sia, mosia in noguman, “Totundú-Nea mita totok in mokopongaru kon bayongan intau in Yudea. Pinangkoipamai kon Galilea bo tanaa nodapotdon kon naa.”

YOHANES 1:43

Nopoikoḷomai kon singgai ki Yesus in nonantúdon kon mayá in Galilea. Sia in noyodungkuḷ i Pilipus. Ki Yesus in noguman kon i Pilipus, “Koḻigai duduidon kon i-Nakó!”

YOHANES 2:11

Tuata in soaḷ mokoherang inta dungkuḷ totok inta pinomia i Yesus. Tua in pinomia-Nea kon Kana inta kon Galilea. Takin tanda tatua Sia in nopoontongdon in kawasa-Nea. Dá murí-Nea mita in nopirisayadon kon i-Nia.