MATIUS 3:2 - Alkitab Singog In Mongondow Masa In Tanaa

² “Pogogaidon mogaid kon dosamu mita, sin diádon moonggot bo mamangoi in ki Allah momarenta saḷaku Datu!”

MATIUS 3:2 Referans Kwoze

MATIUS 4:17

Mulai kon wakutu intua ki Yesus in noguman, “Pogogaidon in mogaid kon dosamu mita, sin ki Allah in mamangoidon momarenta saḷaku Datu!”

MARKUS 1:15

Ki Yesus in noguman, “Ki Allah in ḷagidon momangkoi momarenta. Pogogaidon moiko in mogaid kon dosa bo popirisayadon kon Habar Mopia inta nongkon i Allah!”

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

MATIUS 6:10

Ikobí in Datu nami. Igumon mako Iko in momarenta kon dunia naa, bo inta koibog-Mu in duduian naonda bo kon soroga.

KORINTUS 2 7:10

Sin ajar in gina natua mopomungaibí in mopia bo mokosaḷamat. Bo tua in diábí mokomanasaḷ kon intau. Táe aka ajar in gina inta pinodudui in ibog in intau, yo tua in mokopatoibí.

MATIUS 10:7

Bayádon bo poguman, kon ki Allah in ḷagidon mamangoi momarenta saḷaku Datu.

OUMAN IN RASUL MITA 3:19

Tuamai pokoratakdon kon raian bo pogogaidon in mogaid kon dosa mita, sinbá ampungandon in dosamu tatua.

LUKAS 15:10

Natua doman in malaekat mita i Allah, mopia in gina monia aka oyúon tobatú intau inta moraat in mogogaidon in mogaid kon dosa. Tuamai, popirisayabí!”

LUKAS 13:3

Diáa! Táe pokotoropdon in moiko: aka moiko bo diá mogogai in mogaid kon dosa, yo moiko in moputúbí komintan, naonda bo mosia.

LUKAS 11:20

Akuoi naa in noguntun kon dimukud moraat takin kawasa i Allah. Tua in mangaḻenea kon ki Allah in nomangkoidon nomarenta kon yua-yuak monimu.

PETRUS 2 3:9

Diábí moḷaḷoi in ki Tuhan mogintompod kon onu inta ain pinodandi-Nea, umpakabí oyúon intau in mosingog kon moḷaḷoi in Sia. Táe ki Tuhan in umuranbí mosabar in moindoi mako kon oaid monimu, sin doíbí in Sia aka tobatúpamai intau kon sigad monimu in moputú. Ibogon-Nea, bayongan intau in mogogaidon in mogaid kon dosa.

OUMAN IN RASUL MITA 17:30

Oaid mita naton inta diá mopia inta koḻipod ain bidon iḻiong i Allah, asaḷ bo tanaa mako kita bo bayongan intau kon dunia, mogogaidon in mogaid kon dosa mita.

OUMAN IN RASUL MITA 11:18

Naonda in dinongog monia intua, nopiadon in gina monia komintan poḷat nodayow kon i Allah. Kai monia, “Aka natua, dá intau mita inta deeman Yahudi inogoianbí doman i Allah in kasampatan mogogai in mogaid kon dosa mita bo mokouḻí kon kobiagan mononoi!”

OUMAN IN RASUL MITA 2:38

Ki Petrus in noguman kon i monia nanaa, “Pogogaidon in mogaid kon dosa in moiko bo pokibaptisdon kon bonu in tangoi i Yesus Kristus sinbá modait ampungan in dosa. Bo moiko in motarima kon Roho i Allah.

LUKAS 6:20

Ki Yesus inimindoi kon dumodudui-Nea mita bo nosingog nanaa, “Pia in kamang in moiko, intau mita inta nobogá, sin moiko nion in umat i Allah!

MATIUS 13:52

Dá ki Yesus in noguman kon i monia, “Pomuḷoi in intau inta monotaau totok kon atorang i Musa bo notarima kon totundú kon naonda in ki Allah momarenta tua, yo sia in naonda bo ki togi baḷoi inta nopoḷuai in pakakatnea nobagu bo inta nokoyongan nongkon tampat inta pinotagúannea.”

MATIUS 13:47

“Natua doman, aka ki Allah momarenta yo naonda bo landará inta binukayad kon danow, bo nokosipun kon norupa-rupamai in toyá.

MATIUS 13:33

Onda intua ki Yesus nongonguman doman kon poumpamaan nanaa kon i monia. “Aka ki Allah mamangoi momarenta, yo ná umpama ragi inta ginamá in bobay, bo pinobauk kon topong torigu opat nopuḷú noliter nodapot in kinumutad komintan!”

MATIUS 12:41

Kon singgai pohakiman, intau mita in Niniwe morobangon bo moyotakin in intau mita masa in naa mohukum kon i monia. Sin intau mita in Niniwe naonda in nokodongog kon inta pinoyaput i Yunus, mosia in nogogai in nogaid kon dosa mita. Bo tanaa inta sinimindog mako noiḻiubí kon i Yunus!

TIMOTIUS 2 2:25

Sia in musti mokopoḷukó kon bahasa aka motundú kon intau mita inta moibog momaḷawang; bo tantú mopoigum mako bá ogoian i Allah in kasampatan in intau mita tatua sinbá mogogaidon in mogaid kon dosa bo monotaaudon kon totundú inta noitutui.

KOLOSE 1:13

Pinilatan-Neadon in kita nongkon kawasa inta nosindip bodongka pinamping kon bonu in dodatuan i Adí-Nea inta kinotabi-Nea.

OUMAN IN RASUL MITA 20:21

Akuoi in umuran doman noponorop kon intau mita in Yahudi bo bangusa ibanea sinbá mosia in mogogaidon in mogaid kon dosa mita monia bo mamangoi kon i Allah poḷat mopirisayadon kon i Yesus Kristus ki Tuhan naton.

LUKAS 15:7

Bá poguman-Kudon kon i monimu: natua doman in kon soroga. Moḷoben totok pia in gina sin popisí tobatú intau inta ain nogogai nogaid kon dosa. Pia in gina tatua moiḻiu kon pia in gina kon i monia inta siow nopuḷú bo siow inta ain nopira bo diádon moparaḷu mogogai in mogaid kon dosa.”

LUKAS 13:5

Diáa! Komintanpa doman in poguman-Ku kon i monimu: Aka moiko bo diá mogogai in mogaid kon dosa, yo moiko in moputúbí doman ná mosia.”

LUKAS 9:2

Onda intua nopotabá kon i monia minayá nopotaa-taau mako in Habar Mopia kon naonda in ki Allah mamangoi momarenta saḷaku Datu poḷat mongundam kon intau mita inta notakit.

MARKUS 6:12

Dá minayádon in murí-Nea mopuḷú bodoyowá tatua. Mosia in minayá nopotaa-taau mako in habar, kon intau in musti mogogaidon in mogaid kon dosa mita.

MARKUS 1:4

Naonda inta pinais dá natua domandon in ki Yohanes noiangoi kon padang gurun. Sia in nobaptis kon intau bo nopotaau in Habar nongkon i Allah. Ki Yohanes noguman, “Moiko in musti mogogaidon in mogaid kon dosamu mita bo musti baptison, sinbá ampungan i Allah in moiko.”

MATIUS 5:10

Pia in kamang in intau inta pinogutú lantaran mogaid kon inta kinoibog i Allah; sin mosia doman tua inta moyotakin i Allah!

MATIUS 5:3

“Pia in kamang in intau inta nobogá kon tayowon i Allah, sin mosia tua inta mobaḻí umat i Allah.

YEHEZKIEL 33:11

Potaaudon kon i monia, kon podoyon kon i-Nakó, ki Allah inta nobiag, ki Tuhan Inta Totok in moḷantud, diábí mopia in gina-Ku, aka intau moraat matoi; ibogon-Ku in sia in monaḷámai kon dosanea mita sinbá sia in umuran mobiag. Ei bangusa in Israel, pogogaidon in mogaid kon inta moraat! Nongonu sin moibogbí in moiko matoi?

AYUB 42:6

Tuamai in mooyá in akuoi monorop kon bayongan in tosingogonku bo takin momanasaḷ akuoi in ḻimitú kon butá bo ḷobud.”

WAHYU 2:21

Sia inogoian-Kudon in kasampatan mogogai in mogaid kon dosanea mita, táe doíbí in sia mogogai mogaid kon soaḷ mita inta mokotor tua.

MATIUS 13:31

Ki Yesus nongonguman bui kon poumpamaan ibanea kon i monia, “Aka ki Allah in momarenta, yo ná umpama batoḷ: In sesawi inta ginamá in intau bo pinomuḷa kon gobánea.

MATIUS 13:11

Ki Yesus notubag, “Moiko aindon inogoian in totabi monotaau kon rahasia kon naonda in ki Allah momarenta, táe mosia tua in diábí.

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

WAHYU 2:5

Tuamai, torop kon totuudon moyayú in kinoḷabúan monimu! Dá pogogaidon in mogaid kon dosa mita bo aidaidon in onu inta inaidan monimu muna. Aka diá, yo angoion-Kudon rabuton sioḷ in togámu tua nongkon tampatnea.

IBRANI 6:1

Tuamai, koḻigai bá mobalajardon in kita kon totundú moiduduimai naa soaḷ naonda in kobobiag saḷaku intau in Keresten inta moguyangdon in pororai. Donaaidon tongá umuran mopobui-buimai kon totundú inta muna. Musti mogogai in mogaid kon inta diá in baragunanea bo musti mopirisaya kon i Allah,

OUMAN IN RASUL MITA 26:20

Taran-tarangan in akuoi in mopotaau kon bayongan intau kon musti mogogai in mogaid kon dosa mita in mosia bo moposarakandon in kobiagan monia kon i Allah. Tua komintan in musti poniata kon oaid monia pomuḷoi in singgai. Muna in kon Damsyik in pinopotaauanku kon onu inta nobaḻí tanaa, onda in tua kon Yerusalem bo kon bayongandon in Yudea bo kon sigad doman in intau mita inta deeman Yahudi.

MATIUS 22:2

“Aka ki Allah in momarenta, yo naonda bo poumpamaan tanaa: Tobatú datu inta nogaid kon rame sin ponikaan i adínea.

MATIUS 25:1

“Kon wakutu in koangoian i Allah saḷaku Datu, in naonda bo poumpamaan tanaa: Mopuḷú in mongodeaga nogamá kon togá, monia bo nonontomu kon nonikaan ḷoḷaki.

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

MATIUS 20:1

“Pomomarenta i Allah naonda bo poumpamaan tanaa: Oyúon ki togi gobá, subupa sia aindon iḷumuai bo notayak kon intau mita inta pokiaidan kon gobá in anggurnea.

MATIUS 18:23

Sin aka ki Allah in momarenta saḷaku Datu yo motaau popoumpama nanaa: Tobatú datu inta mogiapdon kon boḻi in simpaḷnea mita.

MATIUS 11:20

Ki Yesus nomangkoidon noningkuḻe kon kotá mita inta mokakit pomiaan-Nea kon inta mokoherang. Popisí in intau mita kon kotá mita tatua doí mogogai in mogaid kon dosa mita monia.

DATU MITA IMITÁNEA 8:47

igumon mako in Iko in moibog mokidongog kon sambayang monia. Aka kon butá tatua bo taḷaandon monia in dosa mita monia, bo mosambayang kon ini-Mu poḷat doman mongaku kon mosia in binaradosa bo nogaidon kon inta moraat, yo indongogaipa kaasí in sambayang monia, o Tuhan.

LUKAS 21:31

Natua doman, aka moiko bo mokoontongdon kon kobaḻían intua komintan, dá kotaauan bidon monimu kon ki Allah in ḷagi bidon momarenta saḷaku Datu.

LUKAS 16:30

Táe intau nooyúon tatua in noguman, ‘Diápabí tugat intua, Amá Abraham. Táe aka oyúon in intau minatoi in mobiag bui bo mamangoi kon i monia, yo mogogai bidon in mosia in mogaid kon dosa mita monia.’

MATIUS 25:14

“Aka ki Allah mamangoi saḷaku Datu, yo kaadaannea in naonda bo intau inta moibog mayá in ḻipú ibanea. Sia in nogoiní kon simpaḷnea mita bo nosilai kon kapunyaannea sin pinoki ḷukad.

MATIUS 13:24

Ki Yesus in bui nongonguman kon i monia, kon tobatú poumpamaan, kai-Nia, “Aka ki Allah momarenta, yo naonda bo intau inta nogambor kon bibit inta mopia kon gobánea.

MATIUS 4:23

Ki Yesus minaya-mayá mako in bayongan ḻipú kon Galilea. Sia in sinumuot bo notundú kon bonu in baḷoi pososambayangan poḷat nopotaau in Habar Mopia soaḷ naonda in ki Allah mamangoi momarenta saḷaku Datu. Kon tua Sia nongundam doman kon bayongan panyaki in intau mita inta kon tua.

LUKAS 1:16

Mobarong in intau Israel diaannea bui mayá kon i Tuhan, Allah monia.

AYUB 39:12

Degá pirisayaanmu in sia mosipun kon bungai in boyómu, bo modia pobayá in tampat duḷangmu?