MATIUS 27:9 - Alkitab Singog In Mongondow Masa In Tanaa

⁹ Naonda intua nobaḻí, dá notompodon Pirman inta pinoyaput i Nabi Yeremia, “Mosia in notarima kon doit saḷaka toḷu nopuḷú, boḻi inta ain sinantú kon sigad in intau Israel, inta pas poguboḻi kon i-Nia.

MATIUS 27:9 Referans Kwoze

MATIUS 1:22

Tua in mobaḻí sinbá motompodon onu inta pinoguman i Tuhan kon nabi-Nea, nanaa:

IḶUAIAN 21:32

Táe aka inta sinungoinea dapot in minatoi tatua bo ata ḷoḷaki tobatú ande bobay, yo kitogi sapi tatua musti mobogoi in doit tontobut toḷu nopuḷú in doit saḷaka kon i togi ata tatua, bo sapi koḷakian tatua musti ara bo in batu dapot in matoi.

MATIUS 26:15

Bo noḻibó, “Onu in ogoi monimu kon i nakó, aka Sia posarakanku kon i monimu?” Dá inogoian monia in doit saḷaka toḷu nopuḷú in sia.

YEREMIA 1:1

Buk tanaa tombonunea in tosingogon mita i Yeremia ki adí i Hilkia imang tobatú nongkon kotá in Anatot kon butá in Benyamin.

MATIUS 2:17

Tua in nobaḻí sinbá motompodon singog i Tuhan inta pinoyaput i Nabi Yeremia, nanaa: