MATIUS 27:63 - Alkitab Singog In Mongondow Masa In Tanaa

⁶³ bo noguman, “Tuang, kinotoropan nami, Intau mouboḷ tatua kon wakutu in nobiagpa, perna noguman, ‘Naonda in toḷu nosinggai mobiag in Akuoi bui.’

MATIUS 27:63 Referans Kwoze

LUKAS 9:22

Bo ki Yesus in noguman doman nanaa, “Ki Adí Intau mustibí motarima kon roriga mobayong, bo Sia in bayowan in itoi mita in ḻipu, imang mita itoi bo mototundú mita kon agama bo ḻimodon, táe kon singgai intoḷunea biagon bui.”

MATIUS 16:21

Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

YOHANES 2:19

Tubag i Yesus, “Rumbundon in Baḷoi Tuhan tanaa, bo tongábí kon daḷom in toḷu nosinggai in poposindogan-Ku bui.”

LUKAS 18:33

Pogutúon monia in Sia bo poḷat ḻimodon, táe kon singgai intoḷunea, Sia in mobiag bui.”

MARKUS 10:34

Poyambáan monia in Sia, duyáan, yoyigaan bo popopakú monia kon kayu pinoyotaḻempang. Táe kon singgai intoḷunea bui mobiag in Sia.”

MARKUS 8:31

Noiduduimai kon tua nomangkoidon in ki Yesus nobogoi in totundú kon murí-Nea mita, kon Adí Intau in musti mokorasa kon roriga mobayong, bo bayowan in itoi mita, imang mita itoi bo in mototundú mita kon agama. Ḻimodon in Sia, táe kon singgai intoḷunea biagon bui.

MATIUS 20:19

moiduduimai kon tua mosia moposarakan kon i-Nia kon intau mita inta diá nonotaau kon i Allah. Sinbá poyambáan monia in Sia, rorigaan, bodongka popopakú kon kayu pinoyotaḻempang. Táe kon singgai intoḷunea biagondon bui in Sia.”

MATIUS 17:23

Bo ḻimodon monia in Sia, táe kon singgai intoḷunea biagon bui in Sia.” Nokodongogmai kon tua norobonoḷ totok in gina in murí-Nea mita.

MATIUS 26:61

Mosia in noguman, “Intau tanaa in nosingog, ‘Akuoi in mokoumpag kon Baḷoi i Allah bo kon bonu in toḷu nosinggai koposindogan-Kudon bui.’ ”

KORINTUS 2 6:8

Oyúon in mohoromat kon i nami, táe oyúon doman in moningkuḻe; oyúon in moduí, táe oyúon doman moponapud in diá totuu. Umpakabí kami in mojujur, táe kai monia kami in mouboḷ.

YOHANES 7:12

Moantó intau in momangkoidon moyogombong soaḷ Sia. Oyúon in noguman: “Sia Intaubí mopia.” Táe oyúon doman in noguman: “Diá! Sia in mopoyaying kon intau mobayong.”

LUKAS 23:2

Kon tua in mosia mulaidon bo moponapud in tosingogon diá totuu kon i-Nia. Mosia in noguman, “Kinokadapatandon nami intau tanaa in notundú kon diá totuu kon intau moantó. Bo bayongan intau in daiton-Nea pongaruon sinbá doí moguboḻi kon pajak kon i Kaisar, sin kai-Nia Sia in tobatú Datu Mopoposaḷamat.”

YOHANES 7:47

Dá intau mita in Parisi in noḻibó bui, “Eta degá moiko pinoyaying-Nea domandon?”

MATIUS 27:64

Manangka intua pokiḷukadon kon moḷoḷukad mita in poḷoḷobongan tatua modapot in singgai intoḷunea; sin dika bo angoion in murí-Nea mita takowon in mayat-Nea, bo poguman monia kon Sia aindon nobiag bui kon sigad in intau mita minatoi. Sahingga in uboḷ kon singgai tumi in moraa-raatdon nongkon inta muna.”

MATIUS 28:6

Sia in diá bidon kon naa, sin Sia in nobiagdon bui, ná inta ain pinoguman-Nea, angoi bo indoiaika in tampat inta pinopouḻidan kon i-Nia.

MARKUS 9:31

sin koyogot in Sia motundú kon murí-Nea mita. Sia in noguman, “Adí Intau posarakan kon bonu in kawasa in intau, bo ḻimodon in Sia, táe kon singgai intoḷunea Sia in bui mobiag!”

LUKAS 18:31

Ki Yesus in nogoiní kon murí-Nea mopuḷú bodoyowá, bo noguman nanaa, “Indongogai! Tanaa mako kita in mopobayádon in Yerusalem, bo bayongan inta ain pinais in nabi mita soaḷ Adí Intau in intompodandon kon tua.