MATIUS 27:57 - Alkitab Singog In Mongondow Masa In Tanaa

⁵⁷ Naonda in noungkoḷomdon, oyúon in intau inta nooyúon nongkon Arimatea, tangoinea in ki Yusup, sia in nobaḻídon murí i Yesus.

MATIUS 27:57 Referans Kwoze

SAMUEL 1 1:1

Oyúon ḷoḷaki tobatú, tangoinea in ki Elkana, nongkon suku Epraim. Sia in nogutun kon kotá in Rama, kon butá inta kon buḷud in Epraim. Ki Elkana naa in ki adí i Yeroham bo ki ompu i Elihu. Sia in noituot kon motoḷuadí i Tohu, uputpa in inanakan i Zup.

SAMUEL 1 7:17

Umuranbí natua bo mopaḷut mako mobuidon in sia kon baḷoinea kon Rama. Kon tua sia nobaḻí hakim kon intau in Israel bo noposindog doman in mezbah tobatú kon i Tuhan.

YESAYA 53:9

Sia in iḷobong noyotakin in intau moraat; pinoḷobongan kon inia in kon yua-yuak in intau nooyúon, umpaka diá kon dodai in onda in sia in nogaid kon inta moraat, bo diá kon dodai in onda in nonguboḷ.”

MATIUS 27:58

Sia minayá kon tayowon i Pilatus bo noigum kon mayat i Yesus. Bo ki Pilatus nomarentadon kon i monia kon ogoi in mayat tatua kon inia.

OUMAN IN RASUL MITA 13:29

Bo naonda in nopaḷutdon inaidan monia in bayongan inta ain noipais kon bonu in Buk Motusi soaḷ Sia, pinopoponagdon monia in mayat-Nea nongkon kayu pinoyotaḻempang bodongka iḷobong.

MARKUS 6:29

Naonda in dinongog in murí mita i Yohanes in soaḷ tatua, binayá ginamá monia in awak i Yohanes bo iḷobong.