MATIUS 26:69 - Alkitab Singog In Mongondow Masa In Tanaa

⁶⁹ Ki Petrus in ḻimitú mako kon ḷuai in palas, bo namangoi in tobatú simpaḷ bobay bo noguman kon inia, “Iko doman inta saḷaḷu moyotakin i Yesus, Intau in Galilea tatua?”

MATIUS 26:69 Referans Kwoze

MATIUS 26:71

Naonda in sia minayá in ngara moḷoben, simpaḷ ibanea in nokoontong kon inia bo noguman kon intau mita inta kon tua, “Intau tanaa in takinbí i Yesus Intau in Nazaret tatua.”

DATU MITA IMITÁNEA 19:13

Naonda in kinodongogan i Elia in singog tatua, inoḻingoiannea in jubah in pogotnea, bo iḻumuai bo sinimindog kon bibig in angob tatua. Dá kinodongogandon in tosingogon noguman, “Elia, onu in aidanmu kon naa?”

OUMAN IN RASUL MITA 5:37

Noiduduimai kon inia, wakutu in pinogiapan kon umat mita, noitukat doman mangoi in ki Yudas intau in Galilea. Sia in namangoi nodia kon intau moantó bo nomarontak, táe sia in minatoi doman bo nongoirangkap domandon in dumoduduinea mita.

YOHANES 7:52

Dá mosia in noguman kon inia, “Eta degá iko nion doman in nongkon Galilea? Pirikisadon kon bonu in Buk Motusi dá kotaauanmu bidon kon diábí in tobatúmai nabi in mamangoi nongkon Galilea!” [

YOHANES 7:41

Ibanea in noguman, “Naadon in Datu Mopoposaḷamat!” Táe oyúon doman in noguman, “Ah deeman! Sin Datu Mopoposaḷamat in diábí mamangoi nongkon Galilea?

YOHANES 1:46

Táe ki Natanael in noguman, “Eta oyúon degá in mopia in mamangoi nongkon Nazaret?” Dá kai Pilipus doman, “Koḻigai, indoianmudon tontaní!”

MATIUS 26:58

Ki Petrus in dinumudui kon i-Nia nodapot in palas i imang moḷoben tongá iyumayú. Naonda in kon palas tatua sia iḻimitú kon sigad in intau inta moḷoḷukad mita sin moindoi kon onu inta mobaḻí modapot in mopaḷut.

MATIUS 26:3

Kon dodai intua imang mita itoi bo guhanga mita in ḻipú intau Yahudi noyosipun kon palas i Kayapas, imang moḷoben.

MATIUS 21:11

Intau moantó tatua notubag, “Naadon in ki Nabi Yesus nongkon Nazaret kon Galilea.”

MAZMUR 1:1

Pia in kamang in intau inta diá dinumudui kon tonggina in intau inta moraat, diá dinumayan kon intau binaradosa bo diá noyobayat in intau inta mopoompámai kon i Allah,

DATU MITA IMITÁNEA 19:9

Kon tua in ki Elia nosiug in doḷom tua kon angob. Bo ki Tuhan in noguman kon inia, “Elia, onu in aidanmu kon naa?”

MATIUS 26:70

Táe sia in nomayow kon tayowon intau moantó tatua kainia, “Diábí kinotaauanku onu in mangaḻe in tosingogonmu.”