MATIUS 26:32 - Alkitab Singog In Mongondow Masa In Tanaa

³² Tongá naonda in Akuoi mobiag bui, Akuoi in umuna kon i monimu mayá in Galilea.”

MATIUS 26:32 Referans Kwoze

MATIUS 28:10

Bo ki Yesus in noguman kon i monia, “Dika moondok! Bayádon bo poguman kon i utat-Ku mita sinbá mosia in mayádon in Galilea; bain kon tua bo ontongon monia in Akuoi.”

MATIUS 28:16

Murí-Nea mita inta mopuḷú bomitá tatua nobuat bo minayá in Galilea, kon tampat inta ain sinundú i Yesus kon i monia.

MATIUS 20:19

moiduduimai kon tua mosia moposarakan kon i-Nia kon intau mita inta diá nonotaau kon i Allah. Sinbá poyambáan monia in Sia, rorigaan, bodongka popopakú kon kayu pinoyotaḻempang. Táe kon singgai intoḷunea biagondon bui in Sia.”

MARKUS 16:7

Dá bayádon tanaa mako bo potaau in habar tanaa kon murí-Nea mita, kon i Petrus doman. Poguman nanaa, ‘Sia inumunadon kon i monimu minayá in Galilea. Bain kon tua bo ontongon monimu in Sia, ná inta ain pinoguman-Nea kon i monimu.’ ”

MARKUS 14:28

Táe naonda in biagondon bui in Akuoi, Akuoi in umuna kon i monimu mayá in Galilea.”

MATIUS 16:21

Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

KORINTUS 1 15:6

Noiduduimai kon tua, Sia in minayá doman nokipogontong kon intau mita inta nopirisaya kon i-Nia, degá ḻimamai nogatut in kobayong monia. Bo nobayongpabí in kon sigad monia tua in nobiagpa nodapot in masai naa. Tongá oyúon domandon in minatoi kon sigad monia tua.

MATIUS 26:33

Ki Petrus in notubag kon i-Nia, “Umpakabí pirisaya monia kon ini-Mu mobaḷui, táe pirisayaku kon i Tuhan in diábí mobaḷu-baḷui!”