MATIUS 26:30 - Alkitab Singog In Mongondow Masa In Tanaa

³⁰ Nopaḷut mako, mosia nopodondong in dondong dodayow. Bo nopaḷut mako kon tua mosia in notakodon kon Buḷud in Zaitun.

MATIUS 26:30 Referans Kwoze

LUKAS 22:39

Ki Yesus in iḷumuai kon kotá bo minayá in tampat inta biasamai bayáan-Nea kon buḷud in Zaitun. Murí-Nea mita minayá doman takin-Nea.

MATIUS 21:1

Naonda in ki Yesus bo murí-Nea mita nodiugdon kon Yerusalem bo noidapotdon in tampat inta sinangoi Betpage kon buḷud in Zaitun. Ki Yesus in nopotabá kon murí-Nea doyowa.

YOHANES 14:31

Tongá tua mita musti mobaḻí bá kotaauan in dunia naa kon Akuoi in motabibí kon i Amá bo mogaid doman kon bayongan inta pinarenta i Amá kon i-Nakó. Yo, koḻigai mayádon in kita nongkon naa.”

LUKAS 21:37

Aka singgai, ki Yesus in mobogoi in totundú kon bonu in Baḷoi Pososambayangan, táe aka doḷom yo sia in mayá in Buḷud Zaitun mogutun kon tua.

MATIUS 26:29

Táe poguman-Ku kon i monimu: Mulai tanaa mako Akuoi in diá bidon monginum bui kon bungai in anggur tanaa modapot kon singgai Akuoi monginum kon anggur mobagu moyotakin monimu kon bonu in dunia mobagu i Amá-Ku.”

LUKAS 22:31

“Simon, Simon, indongogai! Ibilis aindon inogoian in kasampatan monungkuḷ kon i monimu; ná gandum pinoyotontaní kon kuḻitnea, sahingga inta mopia in pinoyotontanídon kon inta moraat.