MATIUS 26:21 - Alkitab Singog In Mongondow Masa In Tanaa

²¹ Bo naonda in mosia koyogot nongaan, Sia in noguman nanaa, “Akuoi in mogumandon muna kon i monimu: kon sigad monimu naa oyúon in tobatú murí in moposarakan kon i-Nakó.”

MATIUS 26:21 Referans Kwoze

YOHANES 13:21

Naonda in noguman mako natua in ki Yesus, totokdon in moajar in gina in Sia. Bo Sia in noguman, “Akuoi in mogumandon kon i monimu: Tobatú nongkon sigad monimu nion momaḻidawanbí kon i-Nakó.”

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

MATIUS 26:2

“Kinotaauan monimu kon doyowapa nosinggai porayaan kon singgai moḷoben Paska, dá kon wakutudon tua Adí Intau posarakan sin popopakú kon kayu pinoyotaḻempang!”

MATIUS 26:22

Nokodongogmai kon tua norobonoḷ totok gina in murí-Nea, dá kon batúannea noguman kon i-Nia, “Deemanbí akuoi Tuhan?”

YOHANES 13:18

Onu in pinoguman-Ku naa in deemanbí soaḷ moiko komintan. Kotaauan-Kubí ki ine inta ain piniḻí-Ku, táe bá mobaḻídon onu inta pinais kon bonu in Buk Motusi nanaa, ‘Intau inta ain nongaan noyotakin-Ku, in moḷawangbí kon i-Nakó.’

YOHANES 13:22

Murí-Nea mita nooindoian takin noherang sin diábí kinotaauan monia mongo ki ine imakusud-Nea tua.