MATIUS 26:18 - Alkitab Singog In Mongondow Masa In Tanaa

¹⁸ Ki Yesus in noguman, “Bayádon kon tobatú intau inta kon kotá bo pogumandon kon inia nanaa in koyow i Guru, ‘Wakutu-Ku nodiugdon dá tuamai Akuoi in moibogdon morame kon singgai in Paska takin murí-Ku mita.’ ”

MATIUS 26:18 Referans Kwoze

YOHANES 7:6

“Deemanpabí wakutu-Ku,” guman i Yesus kon i monia, “Táe aka kon i monimu, motaaubí in pomuḷoi mako.

YOHANES 17:1

Nopaḷut mako nosingog kon tua, ki Yesus iḷumangag kon ḷangit bo noguman, “Amá, naadon in wakutunea. Poḷantudon in ki Adí-Mu, sinbá ki Adí-Mu in mopoḷantud doman kon i Amá.

YOHANES 13:1

Tosinggaipa in Singgai Moḷoben Paska, koyongandon kinotaauan i Yesus kon wakutuneadon Sia in monaḷámai kon dunia naa sin mobuidon kon i Amá-Nea. Sia motabi kon intau mita inta nobaḻí kapunyaan-Nea kon dunia naa, bo tantú-Neabí doman kotabi umaai in kopaḷutan dunia naa.

YOHANES 7:30

Dodai intua ramujiondon monia domokon in Sia, táe diá tobatúmai intau mokobaḻí mokadai kon i-Nia, sin deemanpa wakutunea.

YOHANES 7:8

Bayádon tontaní in moiko kon poramean tatua. Akuoi in diápabí mayá, sin deemanpabí wakutu-Ku.”

YOHANES 12:23

Ki Yesus in noguman kon i monia, “Wakutuneadon Adí Intau pomuliaan.

LUKAS 22:53

Pomuḷoi in singgai Akuoi umuran kon yua-yuak monimu kon bonu in Baḷoi Tuhan, táe diábí domokon monimu. Táe naa in wakutudon monimu sin kinawasadon in Ibilis in moiko.”

YOHANES 11:28

Noguman mako natua in ki Marta, minayá in sia bo nogoiní kon i utatnea ki Maria bo nopogombong kon inia, “Ki Pak Guru kon naadon; iḻibó-Nea iko.”

MARKUS 5:35

Koyogotpa in ki Yesus nongonguman, indoianmai namangoidon in tongonumai intau totabá nongkon baḷoi i Yairus. Mosia in noguman kon i Yairus. “Ki adí bobay i tuang minatoidon, dá donaaidon ki tuang mokiposusamai kon i Pak Guru.”

MATIUS 26:2

“Kinotaauan monimu kon doyowapa nosinggai porayaan kon singgai moḷoben Paska, dá kon wakutudon tua Adí Intau posarakan sin popopakú kon kayu pinoyotaḻempang!”

MATIUS 23:10

Bo donaaidon doman in moiko moibog tangoian ‘Itoi’, sin tongábí tobatú in itoimu, tuata in ki Mesias.

MATIUS 23:8

Tongá moiko in dika mokioiní ki ‘Pak Guru’, sin tongábí tobatú in Gurumu bo moiko komintan in ginaḷum.

MATIUS 21:3

Bo aka oyúon in intau in moḻibó kon i monimu, yo poguman nanaa, ‘Ki Tuhan moparaḷu.’ Ḷagi-Neabí pobuion mangoi.”

YOHANES 20:16

Ki Yesus in noguman kon inia, “Maria!” Ki Maria inimindoi kon i Yesus bo noguman kon bonu in singog in Ibrani, “Rabuni!” (Mangaḻenea “Guru”.)

MATIUS 26:49

Noiyaputmai intua Sia inumuna nokipodungkuḷ kon i Yesus bo noguman, “Salam, Pak Guru!” Bodongka nongayok kon i-Nia.

MATIUS 26:19

Bo onu inta pinoguman i Yesus kon i monia dinuduian monia, mosia in nosadia kon pongaanan kon singgai in Paska tatua.