MATIUS 26:17 - Alkitab Singog In Mongondow Masa In Tanaa

¹⁷ Kon singgai dungkuḷ pinoramean kon Singgai Moḷoben Roti diá koragi, murí-Nea mita namangoidon kon i-Nia bo noḻibó, “Kon onda degá in kon ibog i Pak Guru posadiaan nami kon pongaanan naton moyotakin kon singgai in Paska naa?”

MATIUS 26:17 Referans Kwoze

IḶUAIAN 12:6

Biag tatua in tagúonpa monimu kon tua dapot in tanggal mopuḷú bo opat. Kon singgai tatua, moḷolabungmai bayongan umat Israel musti moratá kon ki adí in domba tatua.

MATIUS 26:19

Bo onu inta pinoguman i Yesus kon i monia dinuduian monia, mosia in nosadia kon pongaanan kon singgai in Paska tatua.

MATIUS 3:15

Táe ki Yesus in notubag: “Pomayádon mako, diábí nongonu, sin natuabí in kita aka mogintompod kon bayongan inta kinoibog i Allah.” Dá binaptis domandon i Yohanes in Sia.

MATIUS 26:16

Bo kon dodaipa doman intua sia umuran motayak kon kasampatan mopia sin moposarakan kon i Yesus.