MATIUS 26:12 - Alkitab Singog In Mongondow Masa In Tanaa

¹² Kon dodai in sia nopoingú in ḷana tatua kon awak-Ku, sia aindon noposadia kon poḷobongan kon i-Nakó.

MATIUS 26:12 Referans Kwoze

YOHANES 12:7

Táe ki Yesus in noguman, “Pomayádon mako in pogaidan bobay tatua kon natua! Sia in nogaid kon natua sin moposadia kon poḷobongan kon i-Nakó.

MARKUS 14:8

Bobay tanaa ain nogaid kon onu in motaaunea aidan. Ḷananea tatua in pinosadianea kon poḷobongan kon i-Nakó kon wakutu in Akuoi diápa minatoi.

LUKAS 23:56

Onda intua, nobui in mosia bo nosadia kon toyokayu mita inta biasamai pakéon pomondu kon mayat. Mosia in nosadia doman kon ḷana mobondu sin poḷana kon mayat i Yesus. Kon singgai in Sabat mosia in nogogai nogaid podudui in hukum agama.

MARKUS 16:1

Naonda in noitaḻibdon in singgai in Sabat, ki Maria Magdalena, ki Maria ki iná i Yakobus bo i Salome minayá notaḷui kon toyokayu mita sin poḷana kon mayat i Yesus.

TAWARIKH 2 16:14

Mayatnea in pinakéan in toyokayu nongkon pododungú mita bo inta mongo bo mongobondu, bo iḷobong kon poḷoḷobongan kon datu kon Kotá i Daud. Bo saḷaku horomat kon inia rayat nonontuḷúdon noḷoben totok.

KINOBAḺIAN 50:2

Ki Yusup in nomarenta kon intau mita inta mononompia kon mayat sinbá pakéandon in bahan mita inta ponahang kon mayat bá diá mobondot in mayat i Yakub.