MATIUS 26:10 - Alkitab Singog In Mongondow Masa In Tanaa

¹⁰ Táe kinotaauan i Yesus in raian monia, dá Sia in noguman, “Nongonu sin moiko in moposusabímai kon bobay tanaa? Sia tua in aindon nogaid kon inta mopia kon i-Nakó.

MATIUS 26:10 Referans Kwoze

TITUS 3:8

Totuubí in singog tanaa. Ibogonku in naa komintan potaaumu kon i monia, sinbá mosia inta ain nopirisaya kon i Allah totu-totuudon moramuji mogaid kon inta mopia, sin natuabí in mopia bo inta baraguna kon bayongan intau.

IBRANI 13:21

Poigum mako, ki Allah inta nobaḻí pangkoi in kobiagan motompia, umuran mobogoi in bayongan inta mopia inta paraḷu pakéon monimu mogaid kon onu inta koibog i Allah. Bo poigumon doman mako takin totuḷung i Yesus Kristus, popoaidon i Allah kon i naton in onu inta kinoibog-Nea. Tantúbí dayow in ki Kristus dapot in kopaḷutannea! Amin.

TITUS 3:14

Tundúdon in intau mita naton mogaid kon soaḷ mita inta mopia sinbá mosia in motaau mopooyúon in bayongan kaparaḷuan inta paraḷu pakéon, sinbá oyúondon in baraguna monia tua.

TITUS 3:1

Ponorop kon bayongan in jamaat, bá mosia in umuran kodu-kodudui kon itoi mita bo pomarenta, diá momaḷawang bo tantú mogaid kon inta mopia.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

TITUS 1:16

Mosia in mongaku kon nonotaaudon kon i Allah, táe oaid monia in diábí noidudui kon inta kinoibog i Allah. Oaid monia tua mokorongó bo diá doman motoindudui; mosia tua in intaubí mita inta diádon mokomampu mogaid kon inta mopia.

TIMOTIUS 2 2:21

Intau inta monaḷámaidon kon bayongan inta moraat kon inia, yo sia tua in pakéon pogaid kon oaidan inta mopia totok. Dongkadon ki tuangnea in ki togi kon inia bo mobaraguna domandon in sia kon i tuangnea. Sia in sinadiadon sin pakéon kon bayongan oaidan inta mopia.

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

TIMOTIUS 1 3:1

Totuubí in singog tanaa: “Intau inta moibog mobaḻí itoi kon jamaat, yo sia tua in moibog in oaidan inta totok in mopia.”

KOLOSE 1:10

Dá moiko in mobiagdon podudui in ibog i Allah bo umuran mokosanang kon gina-Nea, sahingga kon bayongan yagi-yagi moiko in umuran mobogoi in bungai inta mopia. Bo pongotahuan monimu soaḷ ki Allah in modugang domandon.

EPESUS 2:10

Ki Allahbí in nomia kon i naton, bo pinongin i Kristus pinomia-Nea in kita, sinbá kita in mogaid kon soaḷ mita inta mopia inta ain sinadia-Nea kon i naton.

GALATIA 6:17

Moiduduimai kon tua, poigumanku doman, sinbá diá tobatúmai intau in moposusamai kon inakó bui. Sin kon awakku naa in oyúonbí in tanda kon akuoi naa in dumoduduibí i Yesus.

GALATIA 5:12

Mopiadon totok aka intau mita inta umuran mopotombauk in raian monimu nion, baḷúdon ḷumuai nongkon jamaat!

GALATIA 1:7

Sabanarnea diábí in “habar mopia ibanea mako”. Tongá oyúon in intau namangoi mopotombauk in pirisaya monimu. Makusud monia tua in mopoyotaḷá in “habar mopia” i Kristus.

KORINTUS 2 9:8

Sin ki Allah in mokawasabí mobogoi in barakat kon i monimu, sinbá tantú oyúon in pakéon monimu; bo bá tantú oyúon in pogaid monimu kon inta mopia bo potuḷung kon intau.

MARKUS 14:6

Táe ki Yesus in noguman, “Pomayádon mako in pogaidannea kon tua! Nongonu sin moposusabímai kon ginanea in moiko? Sia in nogaidon kon soaḷ inta mopia kon i-Nakó bo patus dayowon.

AYUB 13:7

Motaau degá in moiko monguboḷ podoyon kon i Allah? Motaau degá in moiko mongakaḷ popisí in kopontingan-Nea?

NEHEMIA 2:18

Bo inoumanku kon i monia naonda in ki Allah notuḷung kon inakó bo onu inta pinoguman i datu kon inakó. Mosia in notubag, “Koḻigai momangkoidon in kita moposindog!” Bo nosadiadon in mosia momangkoi mogaid.

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.

MATIUS 26:9

Ḷana tanion motaaubí potaḷuimu bo doit boḻinea in motaaumu ogoi kon intau inta nongobogá!”

MATIUS 26:11

Intau nongobogá mita in umuran moyotakin monimu, táe Akuoi naa in diábí tantú moyotaki-takin mako monimu.

LUKAS 8:49

Koyogotpa in ki Yesus nosingog, namangoi in tobatú ginaḷum i Yairus bo noguman kon i Yairus, “Ki adí i Tuang minatoidon. Dá donaaidon in ki Tuang mamangoi bo mokiposusamai kon i Pak Guru!”