MATIUS 24:49 - Alkitab Singog In Mongondow Masa In Tanaa

⁴⁹ ‘Ki Tuangku in moonggotpabí in mamangoi,’ bo mulai in sia momongkug kon simpaḷ ibanea, bo sia tongábí monginum bo mongaan moyotakin in intau mita nongoḷoḷangu,

MATIUS 24:49 Referans Kwoze

WAHYU 17:6

Bo inontongku in bobay tatua noḷoḷangu in dugú in umat mita i Allah bo dugú in intau mita inta nobaḻí sakusi mita i Yesus. Naonda inontongku in bobay mita tatua, noherangdon totok in akuoi.

WAHYU 16:6

Sin mosia ain nopobutak in dugú in umat mita i Allah bo dugú in nabi mita; tanaa mako pinoinum-Mu domandon in mosia in dugú, patusbí tarimaan monia intua!”

MATIUS 7:15

“Mokopoingatdon kon nabi mita inta diá totuu. Nabi inta mamangoi kon inimu naonda bo intau inta mongopia, táe sabanarnea mosia tua intau bí moromú.

MIKHA 3:5

Bangusaku inakaḷan in nabi mita inta nonoḻindap kon inta mopia kon intau inta mobogoi in doit, táe mosaturu bo mopoompámai kon intau inta diá mobogoi. Kon i monia nabi mita inta natua, ki Tuhan in noguman,

WAHYU 13:7

Sia inogoianpa doman in wakutu moḷawang kon umat i Allah takin monaḷow kon i monia. Bo inogoian doman in kasampatan mongawasa kon bayongan suku, umat, bahasa bo bangusa.

YUDAS 1:12

Kon wakutu in moiko nogaid kon rame nongaan noyotakin, oaid in intau mita tatuata inta mokobú kon sigad monimu. Mosia tumura in mongaan takin diábí kooyá, bo tongá morai kon kopontingan monia tontaní. Mosia tua in ná doman onda bo goḷom inta dinia in tompot táe diá mokouyan. Mosia in ná doman onda bo pangkoi in ayop inta diá momomungai umpaka sempo in ayop; pangkoi mita inta ain irabut takin uakatnea bo minatoidon.

PETRUS 1 5:3

Bo dikabí in moiko naonda bo pongawasa kon i monia inta pinoki ḷukad kon i monimu, táe moiko in mustibí mobaḻí contoh kon i monia.

PILIPI 3:19

Intau mita natua in moputúbí, sin tuhan monia in sianbí monia, bo aid monia inta moromú tua duíonbí monia; sin tongábí bonu in dunia naa in umuran raion monia.

KORINTUS 2 11:20

Tongá pomayá mako monimu aka oyúon in intau mononggata kon i monimu, andeka momakisa moigum bo mogamá kon kauntungan kon i monimu, ande inta monganggap kon mosia in moḷantu-ḷantud nongkon i monimu sahingga in mobarani monokap kon i monimu.

SURAT I PAULUS KON JAMAAT RUM 16:18

Sin intau mita inta momia kon natua, deemanbí mogaid sin kopontingan i Kristus inta Tuhan naton, táe tongábí motayak kon kasanangan in gina monia tontaní. Dondouḷug bo singog monia moaḷus inta kodongogan tua in tongábí pakéon monia monguboḷ kon intau mita inta diápa nonotaau in onu bo onu.

YEHEZKIEL 34:3

Susunea in inumon monimu, bubuḷnea in pomiaan monimu ḷambung, bo domba inta totok in moḷongó in ratáan monimu bo kaanon. Diábí kon dodai in onda in tompiaanmai monimu in dombamu mita.

YESAYA 66:5

Indongogaidon onu in pinoguman i Tuhan, ei moiko inta moondok bo motoindudui kon i-Nia, “sin moiko in motoindudui kon i-Nakó, oyúon in kon sigad in bangusamu inta morongó kon i monimu, bo doí moyobayat monimu. Mosia in mopoyagi-yagimai kon i monimu pongin moguman, ‘Pomayádon mako in ki Tuhan mopoontong in kamuliaan-Nea, sinbá kami in mokoontong kon ḷunganga in ginamu.’ Táe mosiadon tontaní in bui mooyá.

YESAYA 56:12

Intau mita moḷoḷoḷangu mita tatua in moguman, ‘Igai monginum in kita kon anggur bo monginum modapot in moorop! Ikoḷom in mopia-pia nongkon singgai naa!’ ”

SAMUEL 1 2:29

Dá, nongonu sin iko in tumurápabí in mokoontong kon kuruban mita inta pinodudui kon parenta-Ku, pinosumba in bangusa-Ku kon i-Nakó? Nongonu Eli, sin ki adímubí mita in poḻiuonmu horomaton nongkon i-Nakó, bo pomayámudon mako in mosia mopoḷongó in awak monia takin tonsilai inta totok in mopia nongkon bayongan in sosumba in bangusa-Ku kon i-Nakó?

AMSAL 23:20

Dika moyobayat in intau moḷoḷangu andeka intau turá,

MATIUS 18:28

Tongá naonda in simpaḷnea tatua iḷumuai bo noyodungkuḷ in sia in simpaḷ ibanea inta koboḻi doman kon inia táe tongá pulúan ribu. Dinomok bo binongkugnea in yobayatnea tatua, bo poḷat noguman, ‘Uboḻiai in boḻimu!’

MATIUS 24:48

Tongá aka simpaḷ moraat, inta mosingog kon bonu in ginanea nanaa,

MATIUS 24:50

Bo ki tuangnea in namangoi kon singgai inta diá sinangka-sangkanea bo kon wakutu inta diá kinotaauannea.

YOHANES 2:10

bo noguman: “Biasamai intau in munabí mopoinum in anggur inta mopia totok, bo aka tamu mita mooropdon monginum, bain tua bo poḷuaiondon in anggur inta diá totok mopia. Táe ki utat in umuranbí notagú kon anggur mopia umaai in tanaa mako!”