MATIUS 24:48 - Alkitab Singog In Mongondow Masa In Tanaa

⁴⁸ Tongá aka simpaḷ moraat, inta mosingog kon bonu in ginanea nanaa,

MATIUS 24:48 Referans Kwoze

MATIUS 18:32

Dá pinoki oiní i datu in intau tatua bodongka siningognea, ‘Ei iko simpaḷ inta moraat! Komintan boḻimu aindon nodait pinopatanku sin pinoigummu kon inakó.

LUKAS 12:45

Tongá aka bobantung tatua bo moraat bo mosingog doman kon bonu in gina nanaa, ‘Ki tuangku in diápabí moiangoi,’ bo nomangkoi in sia momongkug kon bobantung mita ibanea ḷoḷaki-bobay bodongka mayá mongaan bo monginum dapot moḷoḷangu,

YESAYA 32:6

Intau bodok mosingog kon tosingogon inta mobodok bo monomayá kon inta moraat. Onukabí in aidan andeka inta singogonnea in nobaḻí bidon singkuḻe kon i Allah. Diábí kon dodai in onda in sia mobogoi in kaanon kon intau inta gogoyon andeka oinumon kon intau inta morogang.

OUMAN IN RASUL MITA 5:3

Dá ki Petrus in noḻibó kon inia, “Ananias nongonu sin pomayámubí mako in Ibilis mongawasa kon ginamu, modapot in iko monguboḷ kon Roho i Allah, takin umuni-uni mako motagú kon boḻi in butá ibanea sin pakéonmu tontaní?

YOHANES 13:2

Kon wakutu in ki Yesus bo murí-Nea mita yogot mongaan, Ibilis nopogonúdon in niat moraat kon bonu in gina i Yudas Iskariot ki adí i Simon sinbá sia in momaḻidawan kon i Yesus.

MARKUS 7:21

Sin inta nongkon bonubí in gina, inta nomuká nongkon raian mita inta moraat in mokopopisí kon intau mogaid kon inta mokooyá ná, monakow, moḻimod,

ULANGAN 9:4

Naonda in ki Tuhan Allahmu mopoguntun kon i monia kon tayowonmu, dikabí morai kon moiko in dinia-Nea minayá intua sin pobogoian kon butá tatua popisí in moiko mopia bo nogaidon kon onu in kinoibog i Tuhan Allahmu dá patusdon in moiko motarima kon tua. Deemanbí natua! Ki Tuhan nopoguntun kon bangusa mita tatua kon tayowonmu sin moraat in mosia. Pinomayá mako i Tuhan in moiko mogamá kon butá monia, sin Sia moibog mogintompod kon dandi-Nea kon mogoguyangmu ki Abraham, ki Ishak bo ki Yakub.

OUMAN IN RASUL MITA 8:22

Tuamai Inggamáaidon in raianmu inta mongoraat bo poigum kon i Tuhan sinbá ampungan-Nea in raianmu mita tatua!

LUKAS 19:22

Dá datu tatua in noguman kon bobantungnea tatua, ‘Ei bobantung inta moraat! Poduduidon in singogmu mita tatua dá hukumonku in iko. Kinotaa-taaumubí mako kon akuoi naa intaubí inta totok motogat bo inta moibog mogamá kon onu inta deeman kapunyaanku bo inta moibog doman mokoyut kon inta deeman pinomuḷaku.

MATIUS 25:26

Dá ki tuang tatua noguman kon inia, ‘Ei iko, simpaḷ inta moraat bo maḷat! Kinotaaunmu bidon kon akuoi in mokokoyut kon gobá inta deeman binunakanku bo nopuyut kon bungai in inta deeman pinomuḷa-Ku?

YEHEZKIEL 12:27

“Ei intau inta ilo-ilow, intau mita in Israel in noguman kon oontongon bo onu inta sinoḻindapmu kon mobaḻí tua in bain moonggot mako bo motuoi.

YEHEZKIEL 12:22

“Ei intau inta ilo-ilow, nongonu sin intau in Israel in moibo-ibogbí mosingog kon peribahasa tanaa: ‘Wakutu in mobaḷui, táe onu inta pinoguman mita in diápabí doman mobobaḻí’?

MOHOHUTUBA 8:11

Nongonu sin totuubí mogampang in intau momia kon inta moraat? Popisí in hukuman diá ḷagi popoḷabú.

DATU MITA 2 5:26

Táe ki Elisa in noguman, “Kon tuabí in ginaku kon dodai in ki Naaman noponag nongkon keretanea sin mokipodungkuḷ kon inimu. Naa in deemanbí wakutunea motarima kon doit sin potaḷui kon gobá in zaitun, gobá in anggur, domba bo sapi takin bobantung mita!

ULANGAN 15:9

Dika in iko doí mopoḷuan kon inia poḷat moguman kon taong pomopatan kon boḻi motoyongdon. Dika pomayá mako in raian moraat natua mongawasa kon ginamu. Aka moiko doí mopoḷuan, intau tatua in mokuanibí kon i Tuhan sin mopongadu kon i monimu, dá moiko in poniatadon kon kotaḷá.

MATIUS 24:47

Poguman-Ku kon inimu, simpaḷ natua in baḻíonbí i tuangnea moḷoḷukad kon bayongan kapunyaannea.

MATIUS 24:49

‘Ki Tuangku in moonggotpabí in mamangoi,’ bo mulai in sia momongkug kon simpaḷ ibanea, bo sia tongábí monginum bo mongaan moyotakin in intau mita nongoḷoḷangu,