MATIUS 21:9 - Alkitab Singog In Mongondow Masa In Tanaa

⁹ Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

MATIUS 21:9 Referans Kwoze

LUKAS 2:14

“Dinayo-dayowdon in ki Allah kon tampat inta Totok in Moḷantud! Bo dodamean umuran kotaki-takin monimu, intau inta umuran mogaid kon mokosanang kon gina i Tuhan!”

MATIUS 23:39

Bo Akuoi in moguman kon inimu: Pinangkoi kon tanaa iko in diá bidon mokoontong kon i-Nakó bui, modapot in moiko moguman, ‘Binarakatandon in Sia inta namangoi kon bonu in tangoi Tuhan.’ ”

MATIUS 21:15

Táe naonda imang mita itoi bo mototundú mita kon agama nokoontong kon soaḷ mita mokoherang inta inaidan i Yesus tatua bo mokodongog kon mongoadí mita nomaḷú kon bonu in Baḷoi Tuhan, “Saḷamat kon i Adí i Daud!” Dá mosakí totok in gina monia.

MATIUS 9:27

Naonda in ki Yesus nongingguput kon bobayáan-Nea, intau bilog doyowa dumuduianmai kon i-Nia bo sindaḷan momaḷú kai monia, “Adí i Daud, kotabipa in kami naa!”

MAZMUR 148:1

Dayowdon in ki Tuhan! Dayowdon in ki Tuhan, ei tombonu in soroga! Bayongan inta nogutun kon tampat moḷantud, dayowdon in Sia!

MATIUS 21:10

Bo naonda in Sia sinumuot kon Yerusalem, nodowawádon totok in bayongan intau kon kotá tatua bo intau mita noḻibó. “Ki ine degá in intau tanaa?”

LUKAS 13:35

Tuamai taḷaan i Allah in moiko. Sinbá kotaauan monimu, nongkon tanaa mako moiko in diá bidon mokoontong kon i-Nakó bui, modapot in moiko mosingog nanaa, ‘Binarakatan in Sia inta namangoi kon bonu in tangoi i Tuhan.’ ”