MATIUS 21:4 - Alkitab Singog In Mongondow Masa In Tanaa

⁴ Soaḷ tatua in mobaḻí sinbá motompodon in Pirman inta pinoyaput i nabi nanaa,

MATIUS 21:4 Referans Kwoze

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

YOHANES 12:15

“Donaai moondok, mongodeaga mita in Sion! Indoiaika Datumu in namangoi, Sia in sinumakoi kon tobatú keledai inta noguodpa!”

MATIUS 1:22

Tua in mobaḻí sinbá motompodon onu inta pinoguman i Tuhan kon nabi-Nea, nanaa:

MATIUS 26:56

Táe totuu kon tua in mustibí mobaḻí sinbá motompodon onu inta aindon pinais kon bonu in buk nabi mita.” Kon tua dumodudui-Nea noḷagui komintan nonaḷámai kon i-Nia.

MATIUS 21:3

Bo aka oyúon in intau in moḻibó kon i monimu, yo poguman nanaa, ‘Ki Tuhan moparaḷu.’ Ḷagi-Neabí pobuion mangoi.”

MARKUS 11:7

Wakutu in noiyaputdon kon i Yesus in keledai tatua, inaipandon monia in jubah in ḻikud in keledai tatua, bo sinumakoidon in ki Yesus kon keledai tatua.

LUKAS 19:35

Naonda in diniadon monia in keledai tatua kon i Yesus, intau mita nopoaip in jubah kon ḻikud in keledai tatua bo notuḷung nopoponik kon i Yesus kon keledai tatua.

YOHANES 12:12

Nopoikoḷomai kon singgai intau moantó inta ain namangoi sin morame kon Singgai Moḷoben Paska in nokodongogdon kon ki Yesus niondon kon daḷan mopoangoi in Yerusalem.