MATIUS 21:3 - Alkitab Singog In Mongondow Masa In Tanaa

³ Bo aka oyúon in intau in moḻibó kon i monimu, yo poguman nanaa, ‘Ki Tuhan moparaḷu.’ Ḷagi-Neabí pobuion mangoi.”

MATIUS 21:3 Referans Kwoze

OUMAN IN RASUL MITA 17:25

Sia tua in diábí moparaḷu kon totuḷung in intau, sin Sia tua inta mobogoi in kobiagan, tompot bo bayongan yagi-yagi kon intau.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

YOHANES 3:35

Ki Amá motabi kon i Adí-Nea, bo pinosarakan-Neadon bayongan in kawasa-Nea kon i-Nia.

YOHANES 17:2

Amá inogoi-Mudon in kawasa kon i-Nia sin mongawasa kon bayongan inta nobiag, sinbá Sia in mobogoi doman in kobiagan mononoi kon i monia inta inogoi i Amá kon i-Nia.

MAZMUR 24:1

Mazmur i Daud. Ki Tuhanbí in kitogi kon butá bo tombonunea, dunia bo bayongan inta nogutun kon tua.

EZRA 7:27

Bo ki Ezra in noguman, “Dayowdon in ki Tuhan, Allah inta sinumba in mogoguyang naton! Sia in nopogonúdon kon gina i datu dá ki datu in noibogdon noindoi totok kon Baḷoi Tuhan kon Yerusalem.

EZRA 1:5

Noiduduimai kon tua tongguḷu mita in inanakan nongkon suku i Yohuda bo i Benyamin, imang mita bo intau mita in Lewi, bo kon batúan in intau inta pinopogonúan i Allah, nonouḷut sin mobui kon Yerusalem bo moposindog bui in Baḷoi Tuhan.

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

EZRA 1:1

Kon taong imitánea kon pinomarentaan i Kores, datu in Persia, Ki Tuhan nogaid kon onu inta ain siningog-Nea pinongin i Nabi Yeremia. Ki Tuhan in nopogonú kon gina i Kores sinbá mopoḷuaidon in parenta tobatú inta binaca kon sinangkup in dodatuan nea. Nanaa in tombonunea:

DATU MITA IMITÁNEA 17:9

“Tanaa musti in iko mayá in kotá in Sarpat, kon diug in Sidon bo mogutun kon tua. Akuoi in nopotabábí in boba-bobay tobatú sinbá ogoiannea in kaanon in iko.”

SAMUEL 1 10:26

Ki Saul nobui domandon kon baḷoinea kon Gibea, sinakinan in tongonumai in intau inta motorindog bo mobarani inta ain pinopogonú i Tuhan in ginanea.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

MATIUS 21:2

Takin koyow nanaa, “Bayádon in ḻipú inta kon tayowonmai tanion, kon tua moiko mokodungkuḷ kon keledai kobaayan tobatú inta kotogo-togot bo ki adínea in tua kon diugneamai. Bukádon keledai tatua bo diadon mangoi kon i-Nakó in keledai doyowa tatua.

MATIUS 21:4

Soaḷ tatua in mobaḻí sinbá motompodon in Pirman inta pinoyaput i nabi nanaa,