MATIUS 20:32 - Alkitab Singog In Mongondow Masa In Tanaa

³² Ki Yesus sinumogon bo nogoiní kon i nayadua, bo noḻibó, “Onu in kon ibog aidan-Ku kon i monimu?”

MATIUS 20:32 Referans Kwoze

YEHEZKIEL 36:37

Ki Tuhan Inta Totok in moḷantud in noguman, “Ei bangusa in Israel, moiko in ogoi-Kudon bui in mokituḷung kon i-Nakó; dugangan-Kudon bui in kobayongmu naonda bo paanan in domba.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

MATIUS 20:21

Ki Yesus in noḻibó, “Onu iná in koibogmu?” Tubagnea, “Akuoi mopoigum sinbá ki adíku taya dua naa in motaau ḻimitú moyotakin-Mu kon bonu in dodatuan-Mu. Tobatú in kon dotá in koḷanan, bo tobatú in kon dotá in koḷoigi-Mu.”

OUMAN IN RASUL MITA 10:29

Tuamai wakutu in ki Tuang nopoigum sinbá akuoi in mamangoi, nosanangbí in ginaku. Dá tanaa in ḻibóonkudon mongo nongonu sin pinoki oiníbí i Tuang in akuoi.”

MATIUS 20:31

Táe intau moantó tatua in nongampag kon i monia, sinbá mosia in kibio-biómaidon, táe tongábí mokodugang kon ropot monia momaḷú, “Tuhan, Adí i Daud, kotabipa in kami!”

MATIUS 20:33

Tubag monia, “Tuhan, undamaidon in mata nami sinbá mokoindoidon!”