MATIUS 20:30 - Alkitab Singog In Mongondow Masa In Tanaa

³⁰ Kon daḷan oyúon intau bilog doyowa iḻimitú mako kon bingkí in daḷan. Dinongog monia kon ki Yesus in noitaḻib, dá taya dua nomaḷú, kai monia: “Tuhan, Adí i Daud, kotabipa in kami naa!”

MATIUS 20:30 Referans Kwoze

MARKUS 10:46

Bo noidapotdon in mosia in Yerikho. Wakutu in ki Yesus bo murí-Nea mita takin intau moantó inta dinumudui kon i-Nia, nonaḷámaidon kon kotá tatua oyúon tobatú intau bilog inta ḻimitú mako kon daḷan sin moigum kon totabi in intau inta moitaḻibmai. Ki Bartimeus in tangoi intau bilog tatua, sia ki adí i Timeus.

MATIUS 22:42

“Aka podudui in raian monimu yo buí i ine in ki Mesias? Ki Adí i ine in Sia?” Tubag monia kon i-Nia, “Buí i Daud.”

MATIUS 21:14

Bo kon tua namangoi domandon in intau mita bilog bo intau mita pelong kon i-Nia kon Baḷoi Tuhan bo inundaman-Nea in mosia.

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

OUMAN IN RASUL MITA 2:30

Sia naa in tobatú nabi inta nonotaau kon ki Allah aindon nodandi pinodoyon kon ibot kon inia kon oyúon in buínea in baḻíon i Allah Datu.

LUKAS 7:21

Kon wakutu intua ki Yesus nongundam kon noyagi-yagimai in takit bo roriga kon moantó intau bo noguntun doman kon dimukud mita moraat, bo nongundam kon intau mita bilog sahingga in mosia nokoontongdon.

LUKAS 4:18

“Roho i Tuhan oyúon kon i-Nakó, sin Akuoi in ain piniḻí-Nea mopoyaput in Habar Mopia kon intau mita bogá. Sia nopotabá kon i-Nakó mopotaau in popoḷuaian kon intau mita kon sinokodakop bo mongundam kon mata in intau mita bilog; bo mopoḷuat kon intau mita inta sinokodorot

MATIUS 15:22

Kon tua noiangoi in tobatú bobay intau in Kanaan inta nongkon ḻipú kon tua, bo nomaḷú, “Kotabipa in akuoi naa Tuhan Adí i Daud! Sin ki adíku bobay kinotoḷangan in dimukud moraat. Bo moyoyiga totok in sia.”

YESAYA 59:10

Kami in mongokap naonda bo intau bilog; kon noutu in singgai kami in moipintud naonda bo moonggot kon doḷom; kon yuak in intau nobiag kami in naonda bo intau minatoi.

YESAYA 42:18

Ki Tuhan in noguman, “Indongogaidon ei intau mita bongoḷ! Indoiaidon, ei intau mita bilog!

YESAYA 42:16

Bangusa-Ku inta bilog in kapiton-Ku pongin daḷan inta diá kinotaauan monia; mosia in diaan-Ku kon daḷan mita inta diá kinotaauan monia. Sindip baḻíon-Ku bayag kon i monia, bo daḷan inta notangkaḻembong in tondodaion-Ku. Tuata in aidan-Ku kon i monia, bo notantú bidon kon aidan-Ku.

YESAYA 29:18

Kon dodai intua intau bongoḷ in mokodongogdon kon tosingogon mita nongkon buk tobatú inta binaca, bo intau bilog inta koina nobiag kon bonu in sindip in mokoontongdon.

MAZMUR 146:8

bo mobuká kon mata in intau bilog. Sia in moposindog kon intau inta noḷabú, bo motabi kon intau inta mojujur.

MATIUS 13:4

Kon wakutu in sia nogambor oyúon batoḷ in noḷabú kon bingkí in daḷan. Bo ḷagapan in namangoi bo kinaannea nodait intua.

MATIUS 20:31

Táe intau moantó tatua in nongampag kon i monia, sinbá mosia in kibio-biómaidon, táe tongábí mokodugang kon ropot monia momaḷú, “Tuhan, Adí i Daud, kotabipa in kami!”