MATIUS 20:27 - Alkitab Singog In Mongondow Masa In Tanaa

²⁷ Bo ki ine in moibog moiuna totok kon sigad monimu, yo sia in musti mobaḻí doman bobantungmu.

MATIUS 20:27 Referans Kwoze

LUKAS 22:26

Táe moiko in diábí motaau natua. Mustibí nanaa, intau inta totok in moḷoben kon sigad monimu in mustipabí mobaḻí ná inta totok mointok, bo itoi in mustibí mobaḻí naonda bo bobantung.

KORINTUS 2 4:5

Sin habar inta pinoyaput nami tua in deemanbí habar soaḷ oaidan nami tontaní. Táe habarbí soaḷ ki Yesus Kristus inta Tuhan; bo kami naa in tongábí simpaḷmu mita popisí in ibog i Tuhan.

MATIUS 18:4

Ki ine in mokopoompá kon oaid bo mobaḻí ná mongoadí tanaa, yo sia tua in moḷobe-ḷoben kon sigad in umat i Allah.

SURAT I PAULUS KON JAMAAT RUM 1:14

Sin tuabí in musti aidanku kon bayongan in bangusa: intau nomangarti andeka inta diápa nomangarti, inta nosikoḷa andeka inta diápa nosikoḷa.

KORINTUS 2 12:15

Tuamai mopiabí in ginaku bo morelabí in moposarakan in bayongan yagi-yagi, sin kopontingan monimu, nodapotkabí in awakku naa. Dá aka akuoi bo totok in motabi kon i monimu, umpaka yo diápa doman kotabi monimu in akuoi?

KORINTUS 2 11:5

Táe podudui in raianku, akuoi naa in diábí tongá ná “rasul mita” inta mongotoyang tatua!

MATIUS 20:26

Aka moiko yo diábí motaau natua. Ki ine in moibog mobaḻí moḷoben kon sigad monimu, yo sia in musti mobaḻí bobantungmu.

MATIUS 20:28

Ná ki Adí Intau namangoi deemanbí mokibantung, táe mamangoibí mobantung bo mobogoi in nyawa-Nea potobut kon dosa in intau mobarong.”