MATIUS 20:20 - Alkitab Singog In Mongondow Masa In Tanaa

²⁰ Bo ki iná in adí mita i Zebedeus takin ki adínea mita tua namangoi kon i Yesus, bo sinumungkud kon tayowon-Nea sin oyúon poigumon monia kon i-Nia.

MATIUS 20:20 Referans Kwoze

MATIUS 8:2

Kon sigad monia oyúon doman tobatú intau inta pinanyaki kuḻit inta mokorongó. Sia in namangoi bo sinumungkud poḷat nosumba kon i Yesus, takin noguman, “Tuang, aka ki Tuang moibog mongundam, yo mopiabí in akuoi.”

MATIUS 4:21

Bo naonda i minayá nongkon tua, ki Yesus bui nokoontong kon intau taya dua doman mogutat, ki Yakobus ki adí i Zebedeus bo ki Yohanes ki utatnea, mosia koyota-yotakin i amá monia ki Zebedeus. Mosia yogot monoinutmai kon landará kon bonu uangga. Mosia inoiní i Yesus,

MATIUS 27:56

Kon sigad monia tua, oyúon doman in ki Maria Magdalena, bo ki Maria inta ki iná i Yakobus bo i Yusup, bo ki buḷoi i Zebedeus.

MARKUS 15:40

Kon tua oyúon doman tongonumai in bobay inta noindoi nongkon noyayú kon bayongan inta nobaḻí tatua. Kon sigad monia tua oyúon in ki Salome, ki Maria Magdalena bo ki Maria ki iná i Yakobus inta nobagupa bo i Yoses.

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.

MATIUS 28:17

Naonda in inontong monia, sinumba monia in Sia, táe oyúon in topiḻik diá mopirisaya.

MATIUS 15:25

Bobay tatua in dinimiug bo nosumba kon i-Nia bo noguman bui, “Tuhan tuḷungaipa in akuoi.”

MATIUS 14:33

Intau mita inta kon bonu in uangga nosumba kon i-Nia. Kai monia, “Totu-totuu kon Iko naa in ki Adíbí i Allah.”

MATIUS 10:2

Naa in tangoi monia mopuḷú bodoyowá tua: Ki Simon (inta dinonoi ki Petrus) bo ki Andreas ki utatnea, ki Yakobus ki adí i Zebedeus bo ki Yohanes ki utatnea.