MATIUS 20:16 - Alkitab Singog In Mongondow Masa In Tanaa

¹⁶ Bo ki Yesus in noguman, “Natuabí in mobaḻí, intau inta noitontumi mobaḻí moiuna bo intau inta noiuna in mobaḻí moitontumi.”

MATIUS 20:16 Referans Kwoze

MATIUS 19:30

Táe moantó in intau inta noiuna in mobaḻí moitontumi, bo inta noitontumi mobaḻí moiuna.”

MARKUS 10:31

Táe mobayong in intau inta tanaa mako noiuna, mobaḻí moitontumi, bo mobayong intau inta masa in naa noitontumi in mobaḻíbí moiuna.”

MATIUS 22:14

Bo pangabisannea ki Yesus in noguman, “Nobarong in inoiní, táe noyakag in piniḻí.”

LUKAS 15:7

Bá poguman-Kudon kon i monimu: natua doman in kon soroga. Moḷoben totok pia in gina sin popisí tobatú intau inta ain nogogai nogaid kon dosa. Pia in gina tatua moiḻiu kon pia in gina kon i monia inta siow nopuḷú bo siow inta ain nopira bo diádon moparaḷu mogogai in mogaid kon dosa.”

SURAT I PAULUS KON JAMAAT RUM 9:30

Dá, nanaa in kasimpulannea: Bangusa mita ibanea inta deeman Yahudi in diábí moramuji konbá motompia bui in hubungan monia takin i Allah. Táe popisí in mosia mopirisaya, dá sinompiadon bui i Allah in hubungan monia takin-Nea.

MATIUS 7:13

“Tuotdon pongin daḷan inta mointok, sin daḷan inta mopobayá in naraka moḷoben bo mobanat, bo mobarong in intau mongin tua.

SURAT I PAULUS KON JAMAAT RUM 8:30

Natuadon in pinogogoiní i Allah kon i monia inta aindon sinantú-Nea muna. Mosia inta inoiní-Nea tua, inogoi-Nea mopopiaan bui takin-Nea. Mosia inta sinarima-Nea mopopiaan bui takin i Allah, nogamá kon silai kon bonu in kobiagan i Allah tontaní.

LUKAS 14:24

Toropdon! Diábí in tobatúmai kon sigad in intau mita inta ain sinokooiníku tatua in moikaan kon kaanon kon bobutungan inta inaidanku naa!’ ”

TESALONIKA 1 2:13

Oyúon in totok mokopia-pia kon gina nami, sahingga in kami tantú mosukur kon i Allah. Tuata wakutu in kami nopoyaput in Habar Mopia nongkon i Allah kon i monimu. Habar Mopia tatua in diábí tongá inanggap monimu habar nongkon intau, táe totu-totuubí Habar Mopia nongkon i Allah. Sin Roho-Neabí in pinopopaké-Nea kon inimu nogaid kon tua mita, intau inta mopirisaya kon i Yesus.

SURAT I PAULUS KON JAMAAT RUM 5:20

Naonda in oyúon in hukum i Musa, dá kodugang-kodugang domandon in taḷá. Táe naonda in koḷoben-koḷoben in dosa, yo tabi i Allah in kodugang-kodugang domandon in ḷobennea kon i monia.

LUKAS 7:47

Poguman-Kudon kon inimu, tabinea inta moḷoben tatua noponiata kon taḷánea inta noantó aindon inampungan! Intau inta tongá inampungan topiḻik in taḷánea, tabinea in tongá doman topiḻik.”

MATIUS 21:31

Yo ki ine in kon sigad nayadua tua in nogaid kon inta kinoibog i amánea?” Tubag monia, “Inta guya-guyang.” “Poguman-Ku kon i monimu: Intau inta mononagi kon pajak bo bobay mita inta sundaḷ in moiuna kon i monimu tumuot mobaḻí anggota in umat i Allah. “Inta induanea,” tubag in imang mita tongguḷunea bo itoi mita in Yahudi tatua.